ଚାକିରିରୁ ବିଦା ହେବା ପରେ ଅତିଥି ଅଧ୍ୟାପକଙ୍କ ଆତ୍ମାହୂତି ଉଦ୍ୟମ
ବ୍ରହ୍ମପୁର: ଚାକିରିରୁ ବିଦା ପରେ ଅତିଥି ଅଧ୍ୟାପକଙ୍କ ଆତ୍ମାହୁତି ଉଦ୍ୟମ । ଖଲ୍ଲିକୋଟ ବିଶ୍ଵବିଦ୍ୟାଳୟ ଭିସିଙ୍କ ପ୍ରକୋଷ୍ଠରେ ପେଟ୍ରୋଲ ଢାଳି ଆତ୍ମାହୁତି ଉଦ୍ୟମ କରିଛନ୍ତି ଅତିଥି ଅଧ୍ୟାପକ ବିଭୂତି ଭୂଷଣ ପାତ୍ର । ୫ ମାସ ପୂର୍ବେ ଚାକିରିରୁ ବିଦା ହୋଇଥିଲେ ବିଭୂତି ଭୂଷଣ । ଏନେଇ ସେ ମାନସିକ ଭାରସାମ୍ୟ ହରାଇ ବସିଥିଲେ । ଆଜି ସେ ଆତ୍ମହତ୍ୟା ପାଇଁ ଉଦ୍ୟମ କରୁଥିବା ବେଳେ କିଛି କର୍ମଚାରୀ ତାଙ୍କୁ କାବୁ କରିଥିଲେ । ସୂଚନା ପାଇ ପୁଲିସ ଘଟଣାସ୍ଥଳରେ ପହଞ୍ଚି ବିଭୂତିକୁ ନିଜ ଜିମାକୁ ନେଇଛି । ଖଲ୍ଲିକୋଟ ବିଶ୍ୱବିଦ୍ୟାଳୟ କୁଳପତି ଡଃ ପ୍ରଫୁଲ କୁମାର ମହାନ୍ତି ଘଟଣା ନେଇ ଥାନାରେ ଲିଖିତ ଭାବେ ଜଣାଇବା ପରେ ତଦନ୍ତ କରୁଛି ପୋଲିସ ।
