ଅଭାବନୀୟ: ପୁଅ ଓ ସ୍ତ୍ରୀକୁ ହତ୍ୟା ପରେ ଆତ୍ମହତ୍ୟା କଲେ ସ୍ୱାମୀ
ବ୍ରହ୍ମପୁର: ଚମାଖଣ୍ଡି ସାନ ପୁଟବଗଡ଼ ଗାଁରେ ଅଭାବନୀୟ ଘଟଣା । ପୁଅ ଓ ସ୍ତ୍ରୀକୁ ହତ୍ୟା କଲା ନୃଶଂସ ସ୍ୱାମୀ । ୨ଜଣଙ୍କୁ ହତ୍ୟା ପରେ ଆତ୍ମହତ୍ୟା କରିଛି ସ୍ୱାମୀ । ମୃତକ ମାନେ ହେଲେ ସୁଜନ ପ୍ରଧାନ, ପତ୍ନୀ ରୁନି ପ୍ରଧାନ ଓ ପୁଅ ରୁମେଶ । ତେବେ ପାରିପାରିକ କଳହକୁ କେନ୍ଦ୍ର କରି ହତ୍ୟାକାଣ୍ଡ ଘଟିଥିବା ପୋଲିସ କହିଛି । ଗତ ଦୁଇ ବର୍ଷ ତଳେ ଉପର ବଡ଼ପୁଟର ଇନ୍ଦିରାଆବାସ କଲୋନିର ରୁନିଙ୍କ ସହିତ ସାନ ବଡ଼ପୁଟର ସୁଜନ ପ୍ରଧାନଙ୍କ ସହ ବୈବାହିକ ରୀତିନୀତି ଅନୁଯାୟୀ ବିବାହ ସମ୍ପୂର୍ଣ୍ଣ ହେଇଥିଲା । ତେବେ ବୁଧବାର ସକାଳୁ ଶୋଭା ପ୍ରଧାନ ଚାଉଳ ଆଣିବା ପାଇଁ ଡାକିବାକୁ ଗଲା ବେଳେ ତିନି ଜଣଙ୍କ ମୃତଦେହ ପଡ଼ିଥିବା ଦେଖି ଚମାଖଣ୍ଡି ଥାନାକୁ ଖବର ଦେଇଥିଲେ । ଏନେଇ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ତନାଘନା ଆରମ୍ଭ କରିଛି ପୋଲିସ । ହତ୍ୟାର କାରଣ ଅସ୍ପଷ୍ଟ ଥିବା ବେଳେ ପାରିବାରିକ ବିବାଦକୁ ନେଇ ହତ୍ୟାକାଣ୍ଡ ଘଟିଥିବା ଅନୁମାନ କରୁଥି ପୋଲିସ । ସମସ୍ତଙ୍କ ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଇଛି ପୋଲିସ ।
