ଇଞ୍ଜିନିୟରଙ୍କ ଇନ୍ଦ୍ରପୁରୀ: ଦେଖନ୍ତୁ ଘର ଭିତରେ ଅଛି କ’ଣ ?
ଭୁବନେଶ୍ୱର: ବିଦ୍ୟୁତ୍ ବିଭାଗ ଯନ୍ତ୍ରୀଙ୍କ ଅମାପ ସମ୍ପତ୍ତି । ନାଁ ଜଗନ୍ନାଥ ସେଠୀ, ବ୍ରହ୍ମପୁର ବିଦ୍ୟୁତ୍ ବିଭାଗର କାର୍ଯ୍ୟନିର୍ବାହୀ ଯନ୍ତ୍ରୀ । ଜଗନ୍ନାଥଙ୍କ ଅଫିସ୍ ସମେତ ଭିଜିଲାନ୍ସ ୪ଟି ସ୍ଥାନରେ ରେଡ୍ କରିଛି । ବ୍ରହ୍ମପୁର ଗଜପତିନଗରରେ ଜଗନ୍ନାଥଙ୍କ ୪ ଓ ୫ ମହଲା ବିଶିଷ୍ଟ ୨ଟି କୋଠା ଥିବାବେଳେ ଭୁବନେଶ୍ୱର ଏମ୍ସନଗରରେ ରହିଛି ୪ ତାଲା ବିଲ୍ଡିଂ । ରେଡ୍ ବେଳେ ଏସବୁ ଦେଖି ତାଜୁବ୍ ହୋଇ ଯାଇଛି ଭିଜିଲାନ୍ସ ।
ପାତ୍ରପଡ଼ା ନିକଟରେ ଥିବା ଏହି ଆଲିଶାନ୍ ଘର ପ୍ରାୟ ୪ ହଜାର ସ୍କୋୟାର ଫୁଟ୍ ଅଞ୍ଚଳରେ ତିଆରି ହୋଇଛି । ଏହି ଘର ଜଗନ୍ନାଥଙ୍କ ପୁଅ ଶିବାଦ୍ୟିତ ସର୍ବେଶ୍ୱରଙ୍କ ନାଁରେ ଥିବା ଜଣାପଡ଼ିଛି । ଶିବାଦ୍ୟିତଙ୍କ କହିବା ଅନୁସାରେ, ସେ ଏହି ଜାଗାକୁ ୧୦ ବର୍ଷ ତଳେ କିଣି ଘର ନିର୍ମାଣ କରିଛନ୍ତି ।
ଖାଲି ଘର ନୁହଁ, ଘର ଭିତରେ ମଧ୍ୟ ଆକର୍ଷଣୀୟ କାରୁକାର୍ଯ୍ୟ କରାଯାଇଛି ।
ଘର ଭିତରେ ଭଳିକି ଭଳି ଦାମୀ ମୂର୍ତ୍ତି ମଧ୍ୟ ରଖାଯାଇଛି ।
ଘର ଭିତରେ ମନ ମୋହିଲା ଭଳି ଠାକୁର ଘର ରହିଛି । ଠାକୁରଙ୍କୁ ରୂପା ଥାଳିରେ ପୂଜା କରା ଯାଉଥିବା କୁହାଯାଉଛି ।
ଘରର ଡ୍ରଇଁ ରୁମରେ ଦାମୀ ସୋଫା ପଡ଼ିଛି ।
ଆଧୁନିକ ରୋଷେଇ ଘର ରହିଛି । ମଡୁଲାର କିଚେନ୍ ସାଙ୍ଗକୁ ସମସ୍ତ ଆନୁଷଙ୍ଗିକ ଉପକରଣ ଖଞ୍ଜାଯାଇଛି ।
ରୋଷେଇ ଘରେ ମନୋରଞ୍ଜନ ଲାଗି ରହିଛି ଡିଜିଟାଲ୍ ଫ୍ରିଜ୍ । ଟଚ୍ କରିବା ମାତ୍ରେ ଫଟୋ, ଭିଡିଓ ସବୁକିଛିର ମଜା ନେଇ ହେବ ।
ଘରର ବିଭିନ୍ନ ଡୋରରେ ଡିଜିଟାଲ୍ ଲକ୍ ସିଷ୍ଟମ ରହିଛି । କୌଣସି ରୁମକୁ ଯିବାକୁ ହେଲେ ନିର୍ଦ୍ଧାରିତ ନମ୍ବର ମାରିବା ପରେ ହିଁ ଡୋର୍ ଖୋଲିବ ।
ଘର ଭଳି ବାଥରୁମରେ ବି ଖର୍ଚ୍ଚ ହୋଇଛି ବିପୁଳ ଟଙ୍କା । ବାଥରୁମରେ ଏଲଇଡି ସାୱାର ଲାଗିଛି ।
ଭିଜିଲାନ୍ସ ଟିମ୍ ରେଡ୍ ପାଇଁ ଆସିବା ବେଳେ ଜଗନ୍ନାଥଙ୍କ ପୁଅ ଗେଟ୍ ଖୋଲି ନଥିଲେ । ଏହି ସମୟରେ ସେ ଘରେ ଥିବା ସୁନା ଅଳଙ୍କାର ଓ ଟଙ୍କାକୁ ଫୋପାଡ଼ି ଦେଇଥିବା କୁହାଯାଉଛି । ଭିଜିଲାନ୍ସ ଟିମକୁ ଅନେକ ନାମୀଦାମୀ ବ୍ରାଣ୍ଡର ଖୋଳ ମିଳିଛି ।
