ବିପିୟୁଟି ପରୀକ୍ଷା ପାଇଁ ଘୋଷଣା ହେଲା ତାରିଖ

ଭୁବନେଶ୍ୱର: କରୋନା କଟକଣା ଲାଗୁ ହେବା ପରେ ଅଧିକାଂଶ କ୍ଷେତ୍ରରେ କାମ ଠପ୍ ହୋଇଯାଇଛି । ତେବେ ଏଥିରେ ଶିକ୍ଷା କ୍ଷେତ୍ର ମଧ୍ୟ ବାଦ ପଡିନାହିଁ । ତିନି ମାସ ଅପେକ୍ଷା ପରେ ନିକଟରେ ସିବିଏସଇ ଦଶମ ଓ ଦ୍ଵାଦଶ ଶ୍ରେଣୀର ସବୁ ପରୀକ୍ଷା ବାତିଲ ହୋଇଥିଲା । କିଛି ପରୀକ୍ଷା ସରିଥିବା ବେଳେ ଆଗାମୀ ଦିନରେ ହେବାକୁ ଥିବା ସମସ୍ତ ପରୀକ୍ଷା ବାତିଲ ନେଇ ନିର୍ଦ୍ଦେଶ ଦିଆଯାଇଥିଲା । କରୋନା ମହାମାରୀ ଯୋଗୁଁ ଅନେକ କାର୍ଯ୍ୟରେ ପରିବର୍ତ୍ତନ ହୋଇଛି । କିଛି ପରୀକ୍ଷାକୁ ସ୍ଥଗିତ ମଧ୍ୟ ରଖାଯାଇଛି ।

କିନ୍ତୁ ଆଜି ବିପିୟୁଟି ଫାଇନାଲ ସେମିଷ୍ଟାର ପରୀକ୍ଷା ପାଇଁ ତାରିଖ ଘୋଷଣା ହୋଇଛି । ଆସନ୍ତା ମାସ ୯ ତାରିଖରୁ ୨୯ ଯାଏଁ ସବୁ ଫର୍ମାଟରେ ପରୀକ୍ଷା କରାଯିବ । ଘରେ ବସି ନଚେତ୍ ବିପିୟୁଟି ତାଲିକାରେଥିବା ସେଣ୍ଟରେ ପରୀକ୍ଷା ଦେଇପାରିବେ ଛାତ୍ରଛାତ୍ରୀ । ରାଜ୍ୟ ବାହାରେବି ପରୀକ୍ଷା ପାଇଁ ସେଣ୍ଟର କରାଯାଇଛି । କପି ରୋକିବାକୁ ଆର୍ଟିଫିସିଆଲ ଇଣ୍ଟେଲିଜେନ ର ବ୍ୟବସ୍ଥା କରାଯାଇଛି । ନିଜ ଆଗରେ ଥିବା କମ୍ପ୍ୟୁଟର କି ଲ୍ୟାପଟପ ସେଣ୍ଟରରୁ ଉଠିଲେ ଏହାକୁ ବ୍ୟବସ୍ଥା ଦ୍ୱାରା ମନିଟର କରାଯିବ । ପୂର୍ବରୁ ଅନଲାଇନ ପରୀକ୍ଷା ନେଇ ନିଷ୍ପତ୍ତି ହୋଇଥିଲା ।