ଇଞ୍ଜିନିୟର ଶ୍ୱେତା ଉତ୍କଳ କୁମାରୀଙ୍କ ଆତ୍ମହତ୍ୟା ଘଟଣା, ଆଜି ଥାନାରେ ହାଜର ହୋଇପାରନ୍ତି ବୟଫ୍ରେଣ୍ଡ ସୌମ୍ୟଜିତ୍

ଭୁବନେଶ୍ୱର: ରାଜଧାନୀରେ ସଫ୍ଟଓୟାର ଇଞ୍ଜିନିୟର ଶ୍ୱେତା ଉତ୍କଳ କୁମାରୀ ଆତ୍ମହତ୍ୟା ଘଟଣା । ଆଜି ଥାନାରେ ହାଜର ହୋଇପାରନ୍ତି ଶ୍ୱେତାଙ୍କ ବୟଫ୍ରେଣ୍ଡ ସୌମ୍ୟଜିତ୍ । ପୂର୍ବରୁ ସୌମ୍ୟଙ୍କୁ ପୋଲିସ ନୋଟିସ କରିଥିଲେ ବି ଏପର୍ଯ୍ୟନ୍ତ ସେ ଥାନାରେ ହାଜର ହୋଇନାହାନ୍ତି । ସିଡିଆର ରିପୋର୍ଟ ଆସିବା ପରେ ଆଜି ଥାନାରେ ହାଜର ହୋଇପାରନ୍ତି ସୌମ୍ୟଜିତ୍ । ତେବେ ସୋମବାର ରାତିରେ ଏକ ବାଇକରେ ସୌମ୍ୟଜିତ୍ ଘରୁ କେଉଁଆଡ଼େ ଚାଲିଯାଇଥିବା ଜଣାପଡ଼ିଛି । ଏହାରି ମଧ୍ୟରେ ସୌମ୍ୟଜିତ୍ ଆଜି ଥାନାରେ ହାଜର ହେଉଛନ୍ତି ନା ନାହିଁ ତାହା ଉପରେ ରହିଛି ସମସ୍ତଙ୍କ ନଜର ।

ସେପଟେ ଶ୍ୱେତାଙ୍କ ସୁଇସାଇଡ ସସପେନ୍ସରେ କଲ ଡିଟେଲ୍ସରେ ଆସିଛି ସାଂଘାତିକ ତଥ୍ୟ । ଆତ୍ମହତ୍ୟା କରିବା ପୂର୍ବରୁ ପ୍ରେମିକଙ୍କୁ ୧୫ ଥର ଫୋନ୍ କରିଥିଲେ ଶ୍ୱେତା । ରାତି ସାଢ଼େ ଗୋଟାଏ ପର୍ଯ୍ୟନ୍ତ ଫୋନ୍ କଲା ପରେ ବି ରିସିଭ କରିନଥିଲେ ସୌମ୍ୟଜିତ୍ । ପରେ ଶେଷ ନିଷ୍ପତ୍ତି ନେଇଥିଲେ ଶ୍ବେତା । କଲ ଡିଟେଲ୍ସ ରିପୋର୍ଟ ନେଇ ସୌମ୍ୟଜିତଙ୍କୁ ଜେରା କରିବ ପୋଲିସ୍ ।