‘ପଠାନ’ ଫିଲ୍ମର ଗୀତକୁ ନେଇ ବଢିଲା ଅଡୁଆ, ଜୋରଧରିଛି ବଏକଟ୍ ଟ୍ରେଣ୍ଡ

ମୁମ୍ବାଇ: ପଠାନ ଫିଲ୍ମର ଗୀତକୁ ନେଇ ବଢିଲା ଅଡୁଆ । ବେସରମ ରଙ୍ଗ ଶୀର୍ଷକ ଗୀତରେ ଶାହାରୁଖ ଖାନ ଓ ଦୀପିକା ପାଦୁକୋନଙ୍କ ଡ୍ରେସକୋଡକୁ ନେଇ ଉତକ୍ଷିପ୍ତ ମଧ୍ୟପ୍ରଦେଶ ମନ୍ତ୍ରୀ ଡକ୍ଟର ନରୋତ୍ତମ ମିଶ୍ର। ଏପରିକି ଯଦି ଫିଲ୍ମକୁ ପୁନଃସମ୍ପାଦିତ ନକରାଯାଏ ତେବେ ରାଜ୍ୟରେ ଫିଲ୍ମକୁ ନିଷିଦ୍ଧ କରାଯିବ ବୋଲି ସେ କହିଛନ୍ତି । ସେ କହିଛନ୍ତି- ଗୀତରେ ବ୍ୟବହୃତ ହୋଇଥିବା ପୋଷାକ ଅତ୍ୟନ୍ତ କୁତ୍ସିତ ଏବଂ ତୁରନ୍ତ ଏହାକୁ ହଟାଇବା ଦରକାର ।

ତେବେ ଦୀପିକା ପିନ୍ଧିଥିବା ଗେରୁଆ ପୋଷାକକୁ ସେ ସମର୍ଥନ କରିଛନ୍ତି। ସେପଟେ ସ୍ବାମୀ ଚକ୍ରପାଣି ମହାରାଜ ମଧ୍ୟ ଗୀତର ତୀବ୍ର ବିରୋଧ କରିଛନ୍ତି। ସେନସର ବୋର୍ଡ ବିରୋଧରେ ସେ ଗର୍ଜିଛନ୍ତି। ବେସରମ ଗୀତକୁ ଶିଳ୍ପା ରାଓ, କାରାଲିସା ମୋଣ୍ଟେରିଓ, ବିଶାଳ ଓ ଶେଖର ଗାଇଥିବାବେଳେ ଏକ ଆକର୍ଷଣୀୟ ସ୍ଥାନରେ ଗୀତର ସୁଟିଂ କରାଯାଇଥିଲା । ଗୀତରେ ଦୀପିକା ବିକିନି ପିନ୍ଧିଥିବା ଦେଖାଯାଇଛି।