ଶିକ୍ଷକ କଲୋନୀରେ ବଡ଼ ଧରଣର ଲୁଟ: ଦେଢ଼ ଲକ୍ଷ ନଗଦ ସହ ୩ଭରି ସୁନା ଲୁଟ୍

ବୌଦ୍ଧ: ପୁରୁଣାକଟକ ଥାନା ଚାରି ଛକ ସ୍ଥିତ ଏସବିଆଇ ଶାଖା ନିକଟରେ ଥିବା ଶିକ୍ଷକ କଲୋନୀରେ ଏକ ବଡ଼ ଧରଣର ଲୁଟ ହୋଇଥିବା ଜଣାପଡ଼ିଛି । ପ୍ରାପ୍ତ ସୂଚନା ସମତେ ଶିକ୍ଷକ ଦାମଦର ରାଉତ ଏବଂ ତାଙ୍କ ପତ୍ନୀ ସ୍ୱାସ୍ଥ୍ୟ ଚିକିତ୍ସା ପାଇଁ ୩ଦିନ ପୂର୍ବରୁ ବାହାରକୁ ଯାଇଥିଲେ।ଘରେ କେହି ନଥିବା ବେଳେ ସେମାନଙ୍କ ଅନୁପସ୍ଥିତିର ସୁଯୋଗ ନେଇ ଘରର ତାଲା ଓ ଗଡ଼ରେଜ ଭାଙ୍ଗି ଅଜଣା ଦୁର୍ବୃତ୍ତ ମାନେ ଦେଢ଼ ଲକ୍ଷ ଟଙ୍କାରୁ ଊର୍ଦ୍ଧ୍ୱ ନଗଦ ଟଙ୍କା, ସୁନା ୩ ଭରି ଓ ରୁପା ୫୦ ଗ୍ରାମ ଚୋରି ହୋଇଥିବା ଅଭିଯୋଗ ହୋଇଛି ।

ଗତକାଲି ବିଳମ୍ବିତ ରାତିରେ ସେମାନେ ଘରକୁ ଫେରି ଘରର ବିଭିନ୍ନ ବଖରାର ତାଲା ଓ ଗଡ଼ ରେଜ ସବୁ ଭଙ୍ଗା ଯାଇଥିବା ଦେଖିବାକୁ ପାଇବା ପରେ ପୁରୁଣାକଟକ ଥାନାକୁ ଜଣାଇଥିଲେ।ପୋଲିସ ଘଟଣା ସ୍ଥଳକୁ ଯାଇ ପ୍ରାଥମିକ ତଦନ୍ତ କରି ଚୋରୀ ହୋଇଥିବା ଘର ପାଖରେ ରହୁଥିବା ପଶ୍ଚିମବଙ୍ଗ ଅଞ୍ଚଳର ବଙ୍ଗାଳି ମିସ୍ତ୍ରୀ ମାନଙ୍କୁ ଅଟକ ରଖି ପଚରା ଉଚରା କରୁଛି।

Leave a Reply

Your email address will not be published.