ମୟୂରଭଞ୍ଜରେ ପୁଣି ଲଜ୍ୟା, ସମ୍ପର୍କୀୟ ନାବାଳିକା ଭଉଣୀକୁ ଅସଦାଚରଣ କରି ଭାଇ ଗିରଫ

ରାଇରଙ୍ଗପୁର: ମୟୂରଭଞ୍ଜରେ ପୁଣି ଲଜ୍ୟା । ଜଣେ ନାବାଳିକାକୁ ତାର ଭାଇ ଅସଦାଚର କରିବା ଭଳି ସଙ୍ଗୀନ ଅଭିଯୋଗ ଆସିଛି। ପ୍ରେମ ଓ ଭାତୃତ୍ୱ ବନ୍ଧନରେ ବନ୍ଧା ତଥା ସୁରକ୍ଷା ପାଇଁ ରାକ୍ଷୀ ବାନ୍ଧୁଥିବା ଭଉଣୀକୁ ଛାଡୁ ନାହିଁ ଭାଇ। ଭାଇ ଶବ୍ଦରେ କଳଙ୍କର ଟୀକା ଲଗାଇ ଭଉଣୀକୁ ଅସଦାଚର କରିଛି ରାଇରଙ୍ଗପୁର ଆଦର୍ଶ ଥାନା ଅନ୍ତଗର୍ତ ସାନ ପାଖନା ଗ୍ରାମର  ଯୁବକ ।

ନିଜ ଦାଦାଙ୍କ ନାବାଳିକା ଝିଅଙ୍କୁ ଏକୁଟିଆ ଘରେ ପାଇ ଅସଦାଚରଣ କରିଛି ଭାଇ। ଏମିତି  ସଙ୍ଗୀନ ଅଭିଯୋଗରେ ଭାଇ ଗିରଫ ହୋଇଛି। ଗିରଫ ଅଭିଯୁକ୍ତ ଭାଇ ହେଲା ସାନ ପାଖନା ଗ୍ରାମର ବାପୁନ ଦାସ। ରାଇରଙ୍ଗପୁର ଟାଉନ ପୁଲିସ ଅଭିଯୁକ୍ତ ବାପୁନକୁ  ପୋକ୍ସ ଆକ୍ଟରେ ଗିରଫ କରି ଆଇପିସି ଧାରା ୪୫୧/୨୯୪/୩୨୩/୩୪୧/୩୫୪/୩୫୪(କ)/୫୦୬ ଲଗାଇଛି। ଆସନ୍ତା କାଲି ପୁଲିସ ଅଭିଯୁକ୍ତକୁ କୋର୍ଟ ଚାଲାଣ କରିବାକୁ ଥିବା ଜଣାପଡିଛି।