ଗଣତନ୍ତ୍ର ଦିବସରେ ମୁଖ୍ୟଅତିଥି ବ୍ରିଟିଶ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ଭାରତର ଗଣତନ୍ତ୍ର ଦିବସରେ ମୁଖ୍ୟ ଅତିଥି ହେବେ ବ୍ରିଟିଶ ପ୍ରଧାନମନ୍ତ୍ରୀ ବୋରିସ୍ ଜନସନ୍ । ଏନେଇ ବ୍ରିଟେନର ବୈଦେଶିକ ସଚିବ ସ୍ପଷ୍ଟ କରିଛନ୍ତି । ଭାରତର ଗଣତନ୍ତ୍ର ଦିବସରେ ମୁଖ୍ୟଅତିଥି ଭାବେ ଯୋଗଦେବାକୁ ବ୍ରିଟେନ ପ୍ରଧାନମନ୍ତ୍ରୀଙ୍କ ସମ୍ମତି ବ୍ରିଟେନ ପାଇଁ ଗର୍ବର ବିଷୟ ବୋଲି ବ୍ରିଟେନର ବୈଦେଶିକ ସଚିବ କହିଛନ୍ତି ।

ବ୍ରିଟେନର ବୈଦେଶିକ ସଚିବ ଡୋମିନିକ ରାବ୍ ଭାରତର ବୈଦେଶିକ ମନ୍ତ୍ରୀ ଏସ୍‌ ଜୟଶଙ୍କରଙ୍କ ସହ ଆଲୋଚନା ପରେ ଏହି ଘୋଷଣା କରିଛନ୍ତି । ଏହି ଅବସରରେ ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ସମ୍ପର୍କ ନେଇ ଆଲୋଚନା ହୋଇଛି । ସାମ୍ପ୍ରତିକ ବର୍ଷଗୁଡିକରେ ବିଶ୍ୱ ରାଜନୀତିରେ ବହୁତ ବଡ ପରିବର୍ତ୍ତନ ଆସିଛି । ତେବେ ଉଭୟ ଦେଶ ବିଭିନ୍ନ କ୍ଷେତ୍ରରେ ଅଧିକ ପ୍ରଭାବଶାଳୀ ଭାବରେ କାର୍ଯ୍ୟ କରିଛନ୍ତି । ଆଲୋଚନା ବେଳେ ଆଫଗାନିସ୍ତାନର ପରିସ୍ଥିତି ସମେତ ଭାରତ-ପ୍ରଶାନ୍ତ ମହାସାଗରର ବିବର୍ତ୍ତନ ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା ହୋଇଛି ।