ଛାତ୍ରଛାତ୍ରୀଙ୍କ ପାଇଁ ଖୁସିଖବର: ବୋର୍ଡର ୪ଟି ଜୋନାଲ ଅଫିସକୁ ଯିବ ପାଠ୍ୟପୁସ୍ତକ
ଭୁବନେଶ୍ୱର: ଲକଡାଉନ ପାଇଁ ଘରମୁହାଁ ସମସ୍ତେ । ଏଭଳି ସ୍ଥିତରେ ଘରବାହରକୁ ଅନୁମତି ଦିଆଯାନଥିବା ବେଳେ ସମସ୍ତ ଶିକ୍ଷାନୁଷ୍ଠାନ ମଧ୍ୟ ବନ୍ଦ ହୋଇଯାଇଛି । ତେବେ ଏଭଳି ପରିସ୍ଥିତିରେ ଘରେ ରହି ନୂଆ ବହି ପାଇ ପାରୁନାହାଁନ୍ତି ଛାତ୍ରଛାତ୍ରୀମାନେ । ତେଣୁ ରାଜ୍ୟସରକାର ଏକ ନୂଆ ପଦକ୍ଷେପ ନାଇଛନ୍ତି ।
ଏନେଇ ଖୁବ୍ଶୀଘ୍ର ଓଡ଼ିଶା ମାଧ୍ୟମିକ ଶିକ୍ଷା ବୋର୍ଡର ମୁଖ୍ୟ ଅଫିସରୁ ନବମ ଓ ଦଶମ ଶ୍ରେଣୀ ପୁସ୍ତକ ବୋର୍ଡର ୪ଟି ଜୋନାଲ ଅଫିସକୁ ପଠାଯିବ ବୋଲି ସୂଚନା ମିଳିଛି । ବୋର୍ଡର ସମ୍ବଲପୁର, ବ୍ରହ୍ମପୁର, ଭୁବନେଶ୍ୱର ଓ ବାଲେଶ୍ୱର ଜୋନାଲ ଅଫିସରେ ପହଞ୍ଚିବ ବହି । ସେଠାରୁ ଡିଲରମାନେ ବହି ନେଇପାରିବେ । ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ଏହି ସୂଚନା ଦେଇଛନ୍ତି । ଅନ୍ୟପଟେ ଗାଡ଼ି ଯୋଗେ ବହି ପରବିହନ ପାଇଁ ପୋଲିସର ଅନୁମତି ମଗାଯାଇଛି । ଅନୁମତି ମିଳିବା ପରେ ବହି ପଠାଯିବ । ସେହିପରି ଅନୁସୂଚିତ ଜାତି ଓ ଜନଜାତି ସ୍କୁଲ୍ ପାଇଁ ୧ ଲକ୍ଷ ବହି ଛାପିବାକୁ ଅନୁମତି ମିଳିଥିବା ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ କହିଛନ୍ତି ।
