ବେଶ୍ୟାବୃତ୍ତି ନେଇ ବମ୍ୱେ ହାଇକୋର୍ଟଙ୍କ ଗୁରୁତ୍ୱପୂର୍ଣ ରାୟ: ଅପରାଧ ନୁହେଁ ବେଶ୍ୟାବୃତ୍ତି

ମୁମ୍ୱାଇ: ବେଶ୍ୟାବୃତ୍ତି ନେଇ ବମ୍ୱେ ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ । ବେଶ୍ୟାବୃତ୍ତି କୌଣସି ଅପରାଧ ନୁହେଁ । ପ୍ରାପ୍ତ ବୟସ୍କ ମହିଳା ଓ ଯୁବତୀ  ସେମାନେ କ’ଣ କରିବେ ସେ ନେଇ ନିଷ୍ପତ୍ତି ନେବାର ଅଧିକାର ରହିଛି  ବୋଲି ରୁଲିଂରେ କହିଛନ୍ତି ମାନ୍ୟବର କୋର୍ଟ । ବେଶ୍ୟାବୃତ୍ତିରେ ସାମିଲ ୩ ମହିଳାଙ୍କ ଆବେଦନର ଶୁଣାଣି କରି ବମ୍ୱେ ହାଇକୋର୍ଟ ଏଭଳି କହିଛନ୍ତି । ଏବଂ ସମ୍ପୃକ୍ତ ୩ ମହିଳାଙ୍କୁ ମୁକ୍ତ କରିଦେଇଛନ୍ତି । କୋର୍ଟ ଆହୁରୀ କହିଛନ୍ତି, ମହିଳା ଓ ଯୁବତୀମାନେ ନିଜ ଇଚ୍ଛା ଅନୁସାରେ ସେମାନଙ୍କ ବୃତ୍ତି ଚୟନ କରିପାରିବେ। ବିନା ଅନୁମତିରେ ମହିଳାମାନଙ୍କୁ କେହି ବି ଅଟକ ରଖିପାରିବେ ନାହିଁ । ତେବେ ମାମଲାର ଶୁଣାଣି କରୁଥିବା ବିଚାରପତି ଜଷ୍ଟିସ୍ ପୃଥୀରାଜ ଚୌହାନ ବ୍ୟାଖ୍ୟା କରି କହିଛନ୍ତି ଯେ, immoral traffic prevention act 1956  ଅନୁଯାୟୀ ଦେହ ବେପାର ବେଆଇନ୍ ନୁହେଁ ।  ଆଇନରେ ଏମିତି କିଛି ବି ପ୍ରାବଧାନ  ନାହିଁ, ଯାହା ଦେହ ବେପାରକୁ ଅପରାଧ ଭାବେ ବିବେଚନା କରିପାରିବ। ସେହିପରି ଦେହ ବେପାର କାର୍ଯ୍ୟରେ ସାମିଲ ଥିବା ଲୋକଙ୍କୁ ଦଣ୍ଡ ଦେବାର ଅଧିକାର ମଧ୍ୟ ଏହି ଆଇନରେ ନାହିଁ । କୋର୍ଟ ଏହା ସ୍ପଷ୍ଟ କରିଛନ୍ତି ଯେ, ବ୍ୟବସାୟିକ ଫାଇଦା ପାଇଁ କୌଣସି ବ୍ୟକ୍ତିଙ୍କୁ ବ୍ୟବହାର କରିବା ଶୋଷଣ କରିବା ଆଇନତଃ ଦଣ୍ଡନୀୟ । କୋର୍ଟଙ୍କ ଏହି ରୁଲିଂ ପରେ ଦେହ ବେପାର କାର୍ଯ୍ୟରେ ସାମିଲ ଥିବା ୨୧, ୨୨ ଓ ୨୩ ବର୍ଷର ୩ ମହିଳାଙ୍କୁ ସମ୍ମାନର ସହ ମୁକ୍ତ କରିଦିଆଯାଇଛି ।