ଛାଡପତ୍ର ପରେ ବି ସ୍ୱାମୀ ବୁଝିବେ ସ୍ତ୍ରୀ-ଛୁଆ କଥା

ନୂଆଦିଲ୍ଲୀ: ସ୍ତ୍ରୀ, ପିଲାଙ୍କ ପ୍ରତି ଦାୟିତ୍ୱକୁ ଏଡ଼ାଇ ପାରିବେନି ସ୍ବାମୀ । ଶାରୀରିକ ପରିଶ୍ରମ କରି ପରିବାରକୁ ଚଳାଇବା ସ୍ବାମୀଙ୍କ ଦାୟିତ୍ବ ବୋଲି କହିଛନ୍ତି ବମ୍ବେ ହାଇ କୋର୍ଟ । ଛାଡ଼ପତ୍ର ପରେ ବି ସ୍ତ୍ରୀ ଓ ନାବାଳକ ପିଲାଙ୍କ ଚଳିବା ପାଇଁ ଆର୍ଥିକ ସୁରକ୍ଷା ଦେବାକୁ ସ୍ବାମୀ ବାଧ୍ୟ । ଜଷ୍ଟିସ ଦୀନେଶ ମହେଶ୍ୱରୀ ଏବଂ ବେଲା ଏମ ତ୍ରିବେଦୀଙ୍କ ଖଣ୍ଡପୀଠ ଏହି ରାୟ ଶୁଣାଇଛନ୍ତି ।

CRPC ସେକ୍ସନ ୧୨୫ ଆଧାରରେ ସାମାଜିକ ନ୍ୟାୟ ବ୍ୟବସ୍ଥାରେ ସ୍ତ୍ରୀ ଓ ପିଲାଙ୍କୁ ସୁରକ୍ଷା ଦେବା ସ୍ବାମୀର କର୍ତ୍ତବ୍ୟ । କୌଣସି ପରିସ୍ଥିତିରେ ସେ ଏହାକୁ ଏଡ଼ାଇ ଯାଇପାରିବେ ନାହିଁ । ରୋଜଗାର ନଥିବାରୁ ସ୍ତ୍ରୀ, ପିଲାଙ୍କୁ ଆର୍ଥିକ ସୁରକ୍ଷା ଦେଇ ନପାରିବା ନେଇ କୋର୍ଟରେ ଦାଏର ପିଟିସନର ଶୁଣାଣି କରି ଖଣ୍ଡପୀଠ ଏହି ରାୟ ଶୁଣାଇଛନ୍ତି । ଏହାସହ ସ୍ବାମୀଙ୍କ ପିଟିସନକୁ ଖାରଜ କରିଦେଇଛନ୍ତି ।