ଜୟପୁରରେ ବୋମା ବିସ୍ଫୋରଣରେ ସ୍କୁଲ ଉଡାଇବାକୁ ଆସିଲା ଧମକ
1 min read
ଜୟପୁର: ରାଜସ୍ଥାନର ଜୟପୁରର ବିମାନବନ୍ଦର ପରେ ୬ ରୁ ଅଧିକ ସ୍କୁଲକୁ ବୋମା ଆକ୍ରମଣ ଧମକ ମିଳିଛି । ଇ-ମେଲ ମାଧ୍ୟମରେ ଏହି ଧମକ ଦିଆଯାଇଛି। ଏହି ଧମକପୂର୍ଣ୍ଣ ମେଲଗୁଡିକ ସମସ୍ତ ସ୍କୁଲର ପ୍ରଧାନଶିକ୍ଷକଙ୍କ ଇ-ମେଲ୍ ଆଇଡିକୁ ପଠାଯାଇଛି । ମେଲ୍ରେ ଲେଖାଯାଇଛି ଯେ ସ୍କୁଲ ପରସରରେ ବିସ୍ଫୋରଣ ହେବାକୁ ଯାଉଛି। ମେଲ୍ ପାଇବା ମାତ୍ରେ ସ୍କୁଲରେ ଆତଙ୍କ ଖେଳିଯାଇଛି। ମେଲ୍ ଆସିବା ପରେ ସଙ୍ଗେ ସଙ୍ଗେ ସମସ୍ତ ଛାତ୍ରଛାତ୍ରୀଙ୍କୁ ଶ୍ରେଣୀରୁ ବାହାର କରି ଦିଆଯାଇଛି। ତା’ପରେ ପୋଲିସକୁ ଏ ସମ୍ପର୍କରେ ଖବର ଦିଆଯାଇଛି ।
ଧମକପୂର୍ଣ୍ଣ ଇ-ମେଲ୍ ମୋତି ଡୁଙ୍ଗରିରେ ଅବସ୍ଥିତ ଏମପିଏସ୍ ସ୍କୁଲ୍କୁ ପ୍ରଥମେ ଏହି ଧମକ ମିଳିଥିଲା । ଖବର ପାଇ ବୋମା ନିଷ୍କ୍ରିୟକାରୀ ଟିମ୍ ଘଟଣାସ୍ଥଳରେ ପହଞ୍ଚିଛି। ମେଲ ପଠାଇଥିବା ବ୍ୟକ୍ତିଙ୍କ ଇମେଲ ଆଇଡି ବିଷୟରେ ପୋଲିସ ଖୋଳତାଡ କରୁଛି। ପୋଲିସ କହିଛି ଯେ ପ୍ରାୟ ୬ରୁ ଅଧିକ ସ୍କୁଲକୁ ଏଭଳି ଧମକ ମିଳିଛି। ସମସ୍ତ ସ୍କୁଲରେ ବୋମା ନିଷ୍କ୍ରିୟକାରୀ ଟିମ୍ ପହଞ୍ଚି ତଦନ୍ତ ଚଳାଇଛନ୍ତି ।
ମୋତି ଡୁଙ୍ଗ୍ରିରେ ଥିବା ଏମପିଏସ୍ ସ୍କୁଲ ସମେତ ମାନକ ଚୌକ୍, ବିଦ୍ୟାଧର ନଗର, ବୈଶାଲୀ ନଗର, ନିୱାରୁ ରୋଡରେ ଥିବା ବିଦ୍ୟାଳୟଗୁଡ଼ିକୁ ବିସ୍ଫୋରଣ କରିବାର ଧମକ ଦିଆଯାଇଥିଲା। ମାଲପୁରଗେଟ୍ ବାମ୍ବାଲା ପୁଲିଆରେ ଅବସ୍ଥିତ ବିଦ୍ୟାଳୟକୁ ମଧ୍ୟ ବୋମାରେ ଉଡାଇଦେବା ପାଇଁ ଧମକ ମିଳିଛି ।
କିଛି ଦିନ ପୂର୍ବରୁ ଜୟପୁର ବିମାନବନ୍ଦରକୁ ବିସ୍ଫୋରଣରେ ଉଡାଇ ଦେବା ପାଇଁ ଧମକ ମିଳିଥିଲା। ରବିବାର ମଧ୍ୟ ସମାନ ମେଲ୍ ଆସିଥିଲା।ଏହି ଧମକ ପରେ ବିମାନବନ୍ଦରରେ ସୁରକ୍ଷା କର୍ମୀ, ପୋଲିସ ଏବଂ ବୋମା ନିଷ୍କାସନକାରୀ ଦଳ ନିୟୋଜିତ ହୋଇଥିଲେ। ଜୟପୁର ବିମାନବନ୍ଦରକୁ ଷଷ୍ଠ ଥର ପାଇଁ ବୋମା ଧମକ ମିଳିଛି।
