ଭୁବନେଶ୍ୱର-ମୁମ୍ବାଇ କୋଣାର୍କ ଏକ୍ସପ୍ରେସରେ ବୋମା ଆତଙ୍କ

ସିକନ୍ଦରାବାଦ: ଭୁବନେଶ୍ୱର-ମୁମ୍ବାଇ କୋଣାର୍କ ଏକ୍ସପ୍ରେସରେ ବୋମା ଆତଙ୍କ । ଏହି ଏକ୍ସପ୍ରେସରେ ବୋମା ଥିବା ନେଇ ସୂଚନା ମିଳିବା ପରେ ସିକନ୍ଦରାବାଦ ନିକଟ ଚର୍ଲାପଲ୍ଲୀ ଷ୍ଟେସନରେ ଟ୍ରେନକୁ ଅଟକାଇ ଦିଆଯାଇଥିଲା । ଟ୍ରେନ ଅଟକିବା ପରେ ଟ୍ରେନରୁ ସମସ୍ତ ଯାତ୍ରୀଙ୍କୁ ବାହାର କରାଯାଇ ଟ୍ରେନକୁ ଯାଞ୍ଚ କରାଯାଇଛି । ଘଟଣାସ୍ଥଳରେ ବମ୍ ସ୍କ୍ୱାଡ ପହଞ୍ଚି ଟ୍ରେନକୁ ଯାଞ୍ଚ କରିଛି । ଏକ ଅଜଣା ଫୋନ ନମ୍ବରରୁ ଆସିଥିବା ଫୋନ କଲକୁ ନେଇ ଭୁବନେଶ୍ୱର-ମୁମ୍ବାଇ କୋଣାର୍କ ଏକ୍ସପ୍ରେସରେ ତନାଘନା ଚାଲିଛି । ଯେଉଁ ଅଜଣା ନମ୍ବରରୁ କଲ୍ ଆସିଥିଲା ସେହି ନମ୍ବର ଟ୍ରାକ କରି ଅଧିକ ତଦନ୍ତ କରୁଛି ରେଲଓ୍ୱେ ପୋଲିସ । ତେବେ ଏହି ଟ୍ରେନରେ ଯାତ୍ରା କରୁଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ସୂଚନା ମିଳିଛି ।