ପୁରୀରେ ଫୁଟିଲା ବୋମା, ଦୁଇ ସଫେଇ କର୍ମଚାରୀ ଆହତ

ପୁରୀ: ପୁରୀରେ ସଫେଇ କର୍ମଚାରୀଙ୍କ ଉପରେ ବୋମା ମାଡ଼ । ଶ୍ରୀକ୍ଷେତ୍ର କଲୋନୀରେ ହୋଇଛି ଏହି ବୋମାମାଡ । ପୂର୍ବ ଶତ୍ରୁତାକୁ କେନ୍ଦ୍ର କରି ଦୁଇ ଜଣ ସଫେଇ କର୍ମଚାରୀଙ୍କ ଉପରକୁ ଦୁର୍ବୁତ୍ତ ବୋମାମାଡ କରିଛନ୍ତି । ଘଟଣାରେ ଦୁଇ ଜଣା ଆହତ ହୋଇଛନ୍ତି । ସେମାନଙ୍କୁ ସଦର ମୁଖ୍ଯ ଚିକିତ୍ସାଳୟରେ ଭର୍ତ୍ତି କରାଯାଇଛି । ଆହତ ଦୁଇ ସଫେଇ କର୍ମଚାରୀ ହେଲେ ନରେନ୍ଦ୍ର କୋଣ ଅଞ୍ଚଳର ନିମାଇଁ ଚରଣ ନାୟକ ଏବଂ ବିକି ନାୟକ ।

ପୁରୀ ପୌରସଂସ୍ଥାର ଦୁଇ ଜଣ ସଫେଇ କର୍ମଚାରୀ ପ୍ରତିଦିନ ପରି ଆଜି ମଧ୍ୟ ଶ୍ରୀକ୍ଷେତ୍ର କଲୋନୀ ନିକଟରେ ସଫେଇ କରୁଥିବା ସମୟରେ କିଛି ଦୁର୍ବୃତ୍ତ ଆସି ବୋମା ମାଡ଼ କରି ଫେରାର ହୋଇଯାଇଥିଲେ । ଉଭୟଙ୍କୁ ଗୁରୁତର ଅବସ୍ଥା ସ୍ଥାନୀୟ ଲୋକେ ୧୦୮ ଆମ୍ବୁଲାନ୍ସ ଯୋଗେ ସଦର ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।