ଜଳୁଛି ସାତପଡ଼ା, ଜମି ଜବରଦଖଲକୁ ନେଇ ତୁମୁଳକାଣ୍ଡ

ବ୍ରହ୍ମଗିରି: ପୁରୀ ସାତପଡ଼ା ଅଞ୍ଚଳରେ ବୋମାମାଡ଼  । ବହୁଦିନର ବ୍ୟବଧାନରେ ବ୍ରହ୍ମଗିରି ଅଞ୍ଚଳରେ ହୋଇଛି ବୋମା ମାଡ଼ । ନାଥପୁରର ଦଳିତ ବସ୍ତିର ଲୋକେ ବୋମା ମାଡ଼ କରିଥିବା ସୂଚନା । ମିଳିଥିବା ସୂଚନା ମୁତାବକ ୩୫ ମୌଜାର ଜମିକୁ ଜବରଦଖଲ କରିଛନ୍ତି ଲୋକେ । ୩୫ ମୌଜାର ଲୋକେ ଦଳିତ ଲୋକଙ୍କୁ ବୈଠକକୁ ଡ଼ାକିବାରୁ ଉତେଜନା ହୋଇଥିଲା ।

ମିଳିଥିବା ସୂଚନା ମୁତବାକ ୩୫ ମୌଜା ବୈଠକକୁ ଦଳିତ ବସ୍ତିର ଲୋକ ଆସିବାରୁ ଆରମ୍ଭ ହୋଇଥିଲା ବିବାଦର ସୁତ୍ରପାତ  । କାହିଁକି ଦଳିତ ଲୋକ ବୈଠକରେ ଉପସ୍ଥିତ ରହିଲେ ସେନେଇ କିଛି ଲୋକ ପ୍ରଶ୍ନ ଉଠାଇଥିଲେ  । ସାଧାରଣ ବିବାଦରୁ ତୁମୁଳକାଣ୍ଡ ହୋଇଥିଲା  । ସେପଟେ ଭଉୟ ଗୋଷ୍ଠୀ ପାଖରେ ବୋମା, ବନ୍ଧୁକ ମହଜୁଦ ରଖିଥିଲେ ।

ଘଟମାସ୍ଥଳରେ ପରିସ୍ଥିତି ଉଦବେଗ ଜନକ ହୋଇଥିଲା  । ଏହାର ସୁଯୋଗ ନେଇ ସିରିଜ ବୋମା ମାଡ଼ ମଧ୍ୟ ହୋଇଥିଲା  । ସେପଟେ ଏହି ଘଟଣାରେ ଆହତର କୌଣସି ସୂଚନା ମିଳିପାରିନାହିଁ  । ଅନ୍ୟପଟେ  ପରିସ୍ଥିତିକୁ ନଜରରେ ରଖି ଘଟଣା ସ୍ଥଳରେ ୧୦୦ ରୁ ଉର୍ଦ୍ଧ ପୋଲିସ ମୁତୟନ ହୋଇଥିବାବେଳେ ପୁରୀ ଅତିରିକ୍ତ ଏସପି, ଏସଡିପିଓ ଓ ବ୍ରହ୍ମଗିରି ଆଇଆଇସି ଉପସ୍ଥିତ ଅଛନ୍ତି  ।