ନନ୍ଦିଘୋଷ ବ୍ୟୁରୋ: ଉତ୍ତରପ୍ରଦେଶ ଲକ୍ଷ୍ମୌର ୧୦ଟି ପ୍ରମୁଖ ହୋଟେଲକୁ ଇ-ମେଲରେ ବୋମା ଧମକ। ଇମେଲରେ ଆସିଥିବା ଧମକରେ ଟଙ୍କା ଦାବି କରାଯାଇଛି। ଟଙ୍କା ନ ମିଳିଲେ ବୋମାରେ ଉଡାଇଦେବାକୁ ହୋଟେଲଗୁଡିକୁ ଧମକ ଦିଆଯାଇଛି। ଇମେଲରେ କୁହାଯାଇଛି- ହୋଟେଲର ତଳ ଭାଗରେ ବୋମା ରହିଥିବା କଳା ବ୍ଯାଗ ରହିଛି। ଯଦି ଟଙ୍କା ନ ମିଳେ ତେବେ ବୋମା ଫୁଟିବ। ଯେଉଁ ହୋଟେଲଗୁଡିକୁ ବୋମା ଧମକ ଆସିଛି ସେହି ହୋଟେଲଗୁଡିକ ହେଲା ମାରିଅଟ, ସାରାକା, ପିକାଡିଲି, କମ୍ଫୋର୍ଟ ଭିସ୍ତା, ଫର୍ଚ୍ଯୁନ, ଲେମନ ଟ୍ରି, କ୍ଲାର୍କ ଅୱଧ, କାସା, ଦୟାଲ, ଗେଟୱେ, ସିଲଭେଟ। ଇମେଲରେ ବୋମା ଧମକ ମିଳିବା ପରେ ପୋଲିସକୁ ହୋଟେଲ ମ୍ଯାନେଜମେଣ୍ଟ ପକ୍ଷରୁ ସୂଚନା ଦିଆଯାଇଥିଲା। ଅଭିଯୋଗର ତଦନ୍ତ କରୁଛି ପୋଲିସ। ଆନ୍ଧ୍ରପ୍ରଦେଶର ତିରୁପତି ଜିଲ୍ଲାରେ ଥିବା ୩ଟି ହୋଟେଲକୁ ବୋମା ଧମକ ଆସିବା ପରେ ଲକ୍ଷ୍ମୌର ହୋଟେଲଗୁଡିକୁ ଧମକ ମିଳିଛି। ସେପଟେ ବୋମା ଧମକ ପରେ ଅଯୋଧ୍ଯାର ମହର୍ଷି ବାଲ୍ମୀକି ଅନ୍ତର୍ଜାତୀୟ ବିମାନ ବନ୍ଦରରେ ଜରୁରୀ ଅବତରଣ କରିଛି ବିମାନ। ବେଙ୍ଗାଳୁରୁରୁ ଅଯୋଧ୍ଯା ଅଭିମୁଖେ ଆସୁଥିବା ଏକ ବିମାନକୁ ବୋମା ଧମକ ମିଳିଥିଲା। ତେବେ ବୋମା ଧମକ ମିଳିବା ପରେ ବିମାନକୁ ବିମାନ ବନ୍ଦରରେ ଜରୁରୀ ଅବତରଣ କରାଯାଇଥିଲା। ଯାଞ୍ଚ ସରିବା ପରେ ଏହା ଏକ ହୋକ୍ସ କଲ୍ ବୋଲି ଜଣାପଡିଛି।
