ପ୍ରମାଣ ପାଇଁ ନିଆଯାଇଥିବା ବୋମା କୋର୍ଟରେ ଫୁଟିଲା, ଜଣେ ଆହତ

ପାଟନା: ବିହାର ରାଜଧାନୀ ପାଟନା ସିଭିଲ କୋର୍ଟରେ ପ୍ରମାଣ ଆଧାରରେ ନିଆଯାଇଥିବା ବୋମା ବିସ୍ଫୋରଣ ହୋଇଛି  । ଏଥିରେ ବିଶେଷ କିଛି କ୍ଷତି ହୋଇନି । କେବଳ ଜଣେ ପୋଲିସ କର୍ମୀଙ୍କୁ ସାମାନ୍ୟ ଆଘାତ ଆସିଛି ।  ଶୁକ୍ରବାର ସିଭିଲ କୋର୍ଟରେ ହଠାତ ଏକ ଧମାକା ହୋଇଥିଲା । ଉପସ୍ଥିତ ଲୋକେ କିଏ କୁଆଡେ ଦୌଡିବାକୁ ଲାଗିଥିଲେ । ସମସ୍ତେ ଭାବିଥିରେ କେହି ଅପରାଧୀ କୋର୍ଟରେ ବୋମା ଫୁଟାଇଛି  । ହେଲେ ପରେ ଜଣା ପଡିଥିଲା କି ଦୁର୍ଘଟଣା ବସତଃ ଏହା ଫୁଟିଛି ବୋଲି  ।

ସୂଚନାନୁଯାୟୀ କିଛି ଦିନ ପୂର୍ବେ ପାଟନାର ଏକ ହଷ୍ଟେଲରୁ ଏହି ବୋମା ଜବତ କରାଯାଇଥିଲା  । ଜବତ ବୋମାକୁ ମାମଲାର ଶୁଣାଣି ପାଇଁ କୋର୍ଟରେ ହାଜର କରାଯାଉଥିଲା  । କିନ୍ତୁ ହାଜର ସମୟରେ ହିଁ ବୋମା ବ୍ଲାଷ୍ଟ ହୋଇଯାଇଥିଲା  । ବୋମାକୁ ପ୍ରମାଣ ଭାବେ କୋର୍ଟକୁ ଅଣାଯାଇଥିଲା । ଏହା ସହ ସମ୍ବନ୍ଧିତ ମାମଲାର ଜଜଙ୍କୁ ଦେଖାଇବା ପାଇଁ ଅଣାଯାଇଥିଲା  । କଦମକୁଆଁ ଥାନାର ପୋଲିସ ଜବତ କରାଯାଇଥିବା ବୋମାକୁ କୋର୍ଟକୁ ଆଣିଥିଲେ  । ତେବେ ଏହି ବିସ୍ଫୋରଣରେ ଜଣେ ପୋଲିସ କର୍ମଚାରୀ ଆହତ ହୋଇଛନ୍ତି  । ତେବେ ବୋମାକୁ ନିଷ୍କ୍ରିୟ କରାଯିବା ପରେ ବି କେମିତି ଏହା ବିସ୍ଫୋରଣ ହେଲା ତାର ତଦନ୍ତ କରୁଛି ପୋଲିସ  ।