ଡଟ୍ ଫେଷ୍ଟ: ୯୦ ଦଶକର ଲଭ ବାର୍ଡଙ୍କ ଗୀତରେ ମତୁଆଲା ହେବେ ରାଜଧାନୀବାସୀ

ଭୁବନେଶ୍ବର: ଆଜି ସନ୍ଧ୍ୟାରୁ ଝୁମିବ ରାଜଧାନୀ । ୯୦ ଦଶକର ସୁପରହିଟ୍ ସଙ୍ଗରେ ମତୁଆଲା ହେବେ ଭୁବନେଶ୍ବରବାସୀ । କାରଣ ଡପ୍ ଫେଷ୍ଟକୁ ଆସୁଛନ୍ତି ୯୦ ଦଶକର ଲଭ୍ ବାର୍ଡ କୁହାଯାଉଥିବା ବଲିଉଡ଼ ସିଙ୍ଗର ଉଦିତ ନାରାୟଣ ଏବଂ ଅଲକା ୟାଗ୍ନୀ ।

ରବିବାର ସନ୍ଧ୍ୟାରେ ୩ ଘଣ୍ଟା ବାନ୍ଧି ରଖିବ ହୃଦୟ ଛୁଇଁଲା ଭଳି ଗୀତ । ସୁପରହିଟ୍ ଯୋଡିଙ୍କୁ ଶୁଣିବା ପାଇଁ ଦର୍ଶକ ଉତ୍କଣ୍ଠାର ସହ ଅପେକ୍ଷା କରିଛନ୍ତି । ସେପଟେ ଗତକାଲି ଡଟ୍ ଫେଷ୍ଟର ସପ୍ତମ ଦିନରେ ନାଚିଲା, ଗାଇଲା ଝୁମିଲା ଭୁବନେଶ୍ବର । ଓଲିଉଡ ବଲିଉଡ୍ ଗୀତର ଜଲଓ୍ବା ଦେଖାଇଲେ କଳାକାର । ବଲିଉଡ୍ ସିଙ୍ଗର ଅମିତ୍ ତ୍ରୀବେଦୀଙ୍କ ପଞ୍ଜାବୀ ଠୁମକା ଦର୍ଶକଙ୍କୁ ବେଶ୍ ମତୁଆଲା କରିଥିଲା । ସନ୍ଧ୍ୟା ଆରମ୍ଭ ହେବା କ୍ଷଣି ଷ୍ଟେଜକୁ ଆସିଥିଲେ ଓଡ଼ିଆ ଲୋକପ୍ରିୟ ଗାୟକ ସ୍ବୟଂ ପାଢୀ । ମୋତେ ତୋ ପ୍ରେମରେ…, ଗୀତରୁ ଆରମ୍ଭ ହୋଇଥିଲା ଡଟ୍ ଫେଷ୍ଟ । ପରେ ଅମିତ୍ ତ୍ରିବେଦୀ ଏବଂ ଟିମର ଧମାକାଦାର ଏଣ୍ଟ୍ରି ହୋଇଥିଲା । ପ୍ରଥମେ ଓଡ଼ିଶାରେ ହକି ବିଶ୍ବକପ୍ ଏବଂ ଏତେ ବଡ ଫେଷ୍ଟ ଆୟୋଜନ କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବେଶ୍ ପ୍ରଂଶସା କରିଥିଲେ ଅମିତ୍ । ପରେ ମହାଦେବଙ୍କ ସଂଗୀତ ‘ଜୟ ହୋ ଜୟ ହୋ ଶଙ୍କାରା…’ ସଙ୍ଗରୁ ସନ୍ଧ୍ୟାର ଆରମ୍ଭ କରିଥିଲେ । ‘ଜିନ୍ଦା ହୁଁ ୟାର କାଫି ହେ…’ ସଙ୍ଗର ତାଳେ ତାଳେ ଝୁମି ଥିଲେ ଦର୍ଶକ । ଶେଷରେ ପଞ୍ଜାବୀ ଠୁମକା, ଗରବା, ଲଣ୍ଡନ୍ ଠୁ ମକଦା… ଗୀତ ଦର୍ଶକଙ୍କୁ ଚେୟାର ଛାଡ଼ି ନାଚିବାକୁ ବାଧ୍ୟ କରିଥିଲା ।