ପୁଣି ଆଉ ଏକ ମାମଲାରେ ଫସି ପାରନ୍ତି ସଲମାନ !

ମୁମ୍ବାଇ: ସଲମାନ ଖାନ ବଲିଉଡର ଏମତି ଜଣେ ଅଭିନେତା ଯାହାଙ୍କ ସମ୍ପର୍କ କୋର୍ଟ ସହ ବହୁତ ପୁରୁଣା । ବର୍ତ୍ତମାନ ସଲମାନ ଖାନ ଜମି ଜବର ଦଖଲ ମାମଲାରେ ଫସିବାକୁ ଯାଉଛନ୍ତି । ବଲିଉଡର ଭାଇଜାନ ସଲମାନ ଖାନଙ୍କ ପଡୋଶୀ କେତନ କକଡ ସୋସିଆଲ ମିଡ଼ିଆରେ ସଲମାନଙ୍କ ବିକ୍ତିତ୍ୱ ଖାରପ କରୁଛନ୍ତି ବୋଲି ତାଙ୍କ ବିରୋଧରେ ମାନହାନୀ ମନହାନି ମକଦମା ରୁଜୁ କରିଥିଲେ । ଯହାକୁ କୋର୍ଟ ଖାରଜ କରିବା ସହ ପଡୋଶୀଙ୍କ ପାଖରେ ତାଙ୍କ ବିରୋଧରେ ପର୍ଯ୍ୟାପ୍ତ ପ୍ରମାଣ ଥିବା କୋର୍ଟ କହିଛନ୍ତି ।

ସୂଚନା ଅନୁସାରେ, ସଲମାନଙ୍କ ପଡୋଶୀ କେତନ କାକଡ଼ ଜଣେ ଏନଆରଆଇ ଏବଂ ସେ ସଲମାନଙ୍କ ପନବେଲ ଫାର୍ମହାଉସ ପାଖରେ ହିଁ ରୁହନ୍ତି । ସେ ତାଙ୍କ ୟୁଟ୍ୟୁବ ଚ୍ୟାନେଲରେ ସଲମାନଙ୍କୁ ଟାର୍ଗେଟ କରିଥିଲେ । ଯାହା ପରେ ସଲମାନ ତାଙ୍କ ବିରୋଧରେ ମକଦ୍ଦମା ରୁଜୁ କରିଥିଲେ। ଯଦିଓ ମୁମ୍ବାଇର ଗୋଟିଏ କୋର୍ଟ ସ୍ପଷ୍ଟ କରିଛି ଯେ, କେତନଙ୍କ ପାଖରେ ଯେଉଁ ପ୍ରମାଣ ରହିଛି ତାହା ସଲମାନଙ୍କୁ ଦୋଷୀ ସାବ୍ୟସ୍ତ କରିବା ପାଇଁ ଜଥେଷ୍ଟ । କୋର୍ଟର ଏହି ବିବୃତ୍ତି ପରେ ସଲମାନ ପୁଣି ଆଉ ଏକ ମାମଲାରେ ଫସି ପାରନ୍ତି ବୋଲି କୁହାଯାଉଛି ।

ସଲମାନ ଖାନଙ୍କ ଓକିଲ କ’ଣ ଦାବି କରିଥିଲେ?

ଏହି ମାମଲା ଉପରେ ଅଭିନେତାଙ୍କ ଓକିଲ କହିଛନ୍ତି ଯେ, କେତନ କକଡ ସଲମାନଙ୍କ ଫାର୍ମହାଉସ ପାଖରେ ହିଁ ଜାଗା ନେବାକୁ ଚେଷ୍ଟା କରିଥିଲେ । ଜମିର ଦେବା ନେବା ବାରମ୍ବାର ରଦ୍ଦ କରାଯାଉଥିଲା କାହିଁକି ନା ତାହା ବେଆଇନ ଥିଲା । ଏହି ମାମଲା ପରେ ସଲମାନ ଖାନ ଏବଂ ତାଙ୍କ ପରିବାର ବିରୋଧରେ କେତନ ମିଥ୍ୟା ଅଭିଯୋଗ ଆଣିବା ଆରମ୍ଭ କରିଥିଲେ ।

୧୯୯୬ ମସିହାରେ କେତନ କକଡ ଏହି ଜମି କିଣିଥିଲେ

ଅନ୍ୟ ପଟେ, କେତନଙ୍କ ଓକିଲ ଦାବି କରିଛନ୍ତି ଯେ କେତନ ୧୯୯୬ ମସିହାରେ ଏହି ଜମି ନେଇଥିଲେ, କାରଣ ଅବସର ପରେ କେତନ ଏଠାରେ ରହିବାକୁ ଚାହୁଁଥିଲେ, କିନ୍ତୁ ୭-୮ ବର୍ଷ ଧରି ସଲମାନ ଏବଂ ତାଙ୍କ ପରିବାର କେତନଙ୍କ ଜମିକୁ ବେଆଇନ ଭାବେ ଦଖଲ କରିଥିଲେ ।