୨୫ ବର୍ଷ ପରେ ଭାରତ ଫେରିଲେ ମମତା କୁଲକର୍ଣ୍ଣି,ଖୋଲିଲେ ଗୁମର
ମୁମ୍ବାଇ: ଦୀର୍ଘ ୨୫ ବର୍ଷ ପରେ ଭାରତ ଫେରିଛନ୍ତି ୯୦ ଦଶକର ବଲିଉଡ଼ ଷ୍ଟାର ମମତା କୁଲକର୍ଣ୍ଣି । ଆଉ ଭାରତ ଫେରିବା ପରେ ଭିକିଙ୍କ ସହ ତାଙ୍କ ସମ୍ପର୍କ, ବିବାହ ଓ ଡ୍ରଗ୍ସ କାରବାର ଭଳି ଗୋଟି ଗୋଟି କଥା ଗୁମର ଖୋଲିଛନ୍ତି । ତ୍ରିରଙ୍ଗା, କ୍ରାନ୍ତିବୀର, କରନ ଅର୍ଜୁନ ପରି ସୁପରହିଟ୍ ପିଲ୍ମର ନାୟିକା ମମତା କୁଲକର୍ଣ୍ଣିଙ୍କୁ ଭାରତ ଫେରିବାକୁ କାହିଁକି ଲାଗିଲା ୨୫ ବର୍ଷ ଆସନ୍ତୁ ଜାଣିବା ।
ଦେଶକୁ ଫେରିବାକୁ ନେଇ ମମତା କହିଛନ୍ତି, ’୨୫ ବର୍ଷ ହେଲା ଭାରତ ବାହାରେ ଥିଲି । ମୁଁ ନିଜକୁ ଖୋଜୁଥିଲି । ଏବେ କୁମ୍ଭ ମେଳା ହେବାକୁ ଯାଉଥିବାରୁ ମୁଁ ଆସିଛି । ମୁଁ ଫିଲ୍ମ ଇଣ୍ଡଷ୍ଟ୍ରିକୁ କମବ୍ୟାକ କରିବାକୁ ବି ବିଗ ବସରେ ସାମିଲ ହେବାକୁ ଆସିନି । ମୁଁ ଏବେର ମୋର ଜୀବନକୁ ନେଇ ଖୁସି ଅଛି । ମୁଁ ଭାରତ ଛାଡିବା ବେଳେ ମୋ ପାଖରେ ୪୩ଟି ଫିଲ୍ମର ଅଫର ଥିଲା । ସେତେବେଳେ ଏସବୁକୁ ମୁଁ ଛାଡି ଦେଇଥିଲି, ଏବେ ଆଉ ଫିଲ୍ମ ଇଣ୍ଡଷ୍ଟ୍ରିକୁ ଫେରିବାର ନାହିଁ ।’
ଭିକି ଗୋସ୍ବାମୀଙ୍କୁ ନେଇ କଲେ ଖୁଲାସା
ଭିକି ଗୋସ୍ବାମୀଙ୍କୁ ନେଇ ମମତା କୁଲକର୍ଣ୍ଣି ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି, ‘ମୁଁ ଭିକିଙ୍କୁ ଜାଣିଥିଲି । ୨୦୧୪ର ଯେଉଁ ମାମଲା ସମ୍ପୃକ୍ତି ନେଇ ପୋଲିସ କହୁଛି, ସେହି ସମୟରେ ଭିକିଙ୍କୁ ଭେଟିବାକୁ ମୁଁ କେନିଆ ଯାଇଥିଲି । ହେଲେ ସେଠାରେ ସେ କାହା ସହ ମିଟିଂ କରିଥିଲା ମୁଁ ଜାଣିନି । ପୋଲିସ ମୋ ନାଁକୁ ଡ୍ରଗ୍ସ ମାମଲାରେ ଯୋଡ଼ିଲା । ହେଲେ ଭିକିର ବ୍ୟବସାୟ ସହ ମୋର କୌଣସି ନେଣଦେଣ ନଥିଲା । କୋର୍ଟ ଏହି ମାମଲାରୁ ମୋତେ ମୁକ୍ତ କରିସାରିଛନ୍ତି ।’
ସେ ଆହୁରି କହିଛନ୍ତି, ‘ଭିକି ହୃଦୟରୁ ଜଣେ ଭଲ ମଣିଷ । ଇଣ୍ଡଷ୍ଟ୍ରିର ପ୍ରାୟ ସବୁ ଲୋକ ତାଙ୍କୁ ଭେଟିବାକୁ ଯାଉଥିଲେ, ମୁଁ ବି ଯାଇଥିଲି । ହେଲେ, ତାଙ୍କ ସହ ଦେଖା କରିଥିବା ଇଣ୍ଡଷ୍ଟ୍ରିର ଶେଷ ଲୋକ ମୁଁ ଥିଲି । ତାଙ୍କ ବିଷୟରେ ଜାଣିବା ପରେ ମୁଁ ତାଙ୍କୁ ଛାଡି ଦେଇଥିଲି । ସେ ଦୁବାଇ ଜେଲରେ ଥିବା ବେଳେ ତାଙ୍କ ମୁକ୍ତି ପାଇଁ ମୁଁ ଧ୍ୟାନ ଓ ସାଧନାକୁ ଚାଲିଯାଇଥିଲି । ୨୦୧୨ରେ ସେ ଜେଲରୁ ବାହାରିଥିଲେ । ୨୦୧୬ରେ ତାଙ୍କୁ ଦେଖା କରିଥିଲି । ଏହାପରେ ସେ ପୁଣି ଗିରଫ ହୋଇଥିଲେ । ଭିକି ସହ ମୋର ବିବାହ ହୋଇନାହିଁ । ମୁଁ ଏବେ କି ସିଙ୍ଗଲ ଅଛି । ଭିକି ସହ ମୋର ସମ୍ପର୍କ ରହିଥିଲା । ହେଲେ ୪ ବର୍ଷ ପୂର୍ବରୁ ମୁଁ ତାଙ୍କୁ ବ୍ଲକ କରିଦେଇଛି । ସେ ଏବେ ମୋ ଅତୀତ, ମୁଁ ତାଙ୍କୁ ଛାଡି ସାରିଛି ।’
