ରାଜନୀତିରେ ପ୍ରବେଶ କରିବେ ବଲିଉଡ କୁଇନ ?

ସୁଶାନ୍ତ ସିଂ ରାଜପୂତଙ୍କ ମୃତ୍ୟୁ ପରଠାରୁ ନିଜର ଦୃଢ ବୟାନକୁ ନେଇ ଚର୍ଚ୍ଚାରେ ଅଛନ୍ତି ବଲିଉଡ କୁଇନ କଙ୍ଗନା ରନୌତ । କଙ୍ଗନା ନେପାଟିଜମକୁ ନେଇ ବାରମ୍ବାର ନିଜର ମତ ଦେଇ ଆସିଛନ୍ତି ଏବଂ କିଭଳି ଭାବରେ ତାଙ୍କୁ ମଧ୍ୟ ଲୋକ ଆତ୍ମହତ୍ୟା କରିବା ପାଇଁ ବାଧ୍ୟ କରୁଥିଲେ ତାହା ମଧ୍ୟ ଏକ ଭିଡ଼ିଓ ମାଧ୍ୟମରେ ସେ ଲୋକଙ୍କ ନିକଟରେ ପହଂଚାଇଥିଲେ । କେବଳ ସେତିକି ନୁହେଁ କିଛି ବଲିଉଡ ଫିଲ୍ମ ନିର୍ମାତା ଏବଂ କଳାକାର କେଉଁଭଳି ଭାବରେ ଇଣ୍ଡଷ୍ଟ୍ରିରେ ନିଜର ଆଧିପତ୍ୟ ବିସ୍ତାର କରି କିଛି ଦଶନ୍ଧି ଧରି ରାଜନୀତି କରୁଛନ୍ତି ଏହାକୁ ନେଇ ମଧ୍ୟ ନିଜର ବୟାନ୍ ଦେଇଛନ୍ତି କଙ୍ଗନା ରନୌତ । ଏଥର କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମର୍ଥନ କରି ଟ୍ରୋଲର୍ସଙ୍କ ଟ୍ରୋଲିଂର ଶୀକାର ହୋଇଛନ୍ତି କଙ୍ଗନା । କଙ୍ଗନା ମଧ୍ୟ ଚୁପ ରହିବା ଭଳି ଅଭିନେତ୍ରୀ ନୁହଁନ୍ତି । ସେ ମଧ୍ୟ କଡ଼ା ଜଓ୍ୱାବ ଦେଇଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋନିଙ୍କୁ ସମର୍ଥନ କରି କଙ୍ଗନା ଲେଖିଛନ୍ତି, ଯେଉଁମାନେ ଭାବୁଛନ୍ତି ମୁଁ ରାଜନୀତିକୁ ଆସିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମର୍ଥନ କରୁଛି, ଏହା ସେମାନଙ୍କ ପାଇଁ । ମୁଁ ଜଣେଇ ଦେବାକୁ ଚାହୁଁଛିକି ମୋ ଜେଜେ ୧୫ ବର୍ଷ ଧରି କଂଗ୍ରେସରେ ବିଧାୟକ ଥିଲେ । ଆରମ୍ଭରୁ ମୋ ପରିବାର ରାଜନୀତି ସହିତ ଜଡ଼ିତ । ଏହା ସହିତ ମୋ ପରିବାର ରାଜନୀତି ସହିତ ଏତେ ଜଡ଼ିତ କି ଫିଲ୍ମ ଗ୍ୟାଙ୍ଗଷ୍ଟର ପରଠାରୁ ମୋତେ ରାଜନୀତିରେ ପ୍ରବେଶ କରିବା ପାଇଁ ବାରମ୍ବାର ଅଫର ଆସୁଛି ।
ଫିଲ୍ମ ମଣିକର୍ଣ୍ଣିକା ପରେ ବିଜେପିରୁ ଟିକେଟ୍ ମିଳିଥିବା ଖୁଲାସା କରିଛନ୍ତି କଙ୍ଗନା ରନୌତ । କିନ୍ତୁ ନିଜ କାମକୁ ଭଲ ପାଉଥିବା କଙ୍ଗନା ରାଜନୀତିରେ ପ୍ରବେଶ କରିବାକୁ ଚାହାଁନ୍ତିନି ବୋଲି କହିଛନ୍ତି ବଲିଉଡ କୁଇନ ।