ଶିବସେନାରେ ମିଶିବେ ଉର୍ମିଳା ମାତୋଣ୍ଡକର୍
ମୁମ୍ବାଇ: ବଲିଉଡ ଅଭିନେତ୍ରୀ ଉର୍ମିଳା ମାତୋଣ୍ଡକର୍ ମଙ୍ଗଳବାର ଦିନ ଶିବସେନା ଦଳରେ ମିଶିବାକୁ ଯାଉଛନ୍ତି । ସେ ୨୦୧୯ ମସିହାରେ କଂଗ୍ରେସ ଟିକେଟରେ ଲୋକସଭା ନିର୍ବାଚନ ଲଢିଥିଲେ । ନିର୍ବାଚନରେ ପରାଜୟ ହେବା ପରେ ଦଳ ଛାଡି ଦେଇଥିଲେ ।
ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଜଣେ ସହଯୋଗୀ ହର୍ଷଲ ପ୍ରଧାନ ଏନେଇ ସୂଚନା ଦେଇଛନ୍ତି । ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ଉର୍ମିଳା ଦଳରେ ସାମିଲ ହେବେ ବୋଲି ସେ ପ୍ରକାଶ କରିଛନ୍ତି।
ଶିବସେନା ପକ୍ଷରୁ ଉର୍ମିଳାଙ୍କ ନାମକୁ ବିଧାନପରିଷଦରେ ରାଜ୍ୟପାଳ କୋଟାରେ ନାମିତ କରିବା ଲାଗି ରାଜ୍ୟପାଳ ବି ଏସ କୋଶୟାରୀଙ୍କ ପାଖକୁ ପଠାଯାଇଛି । ଏହାବ୍ୟତୀତ ଏହି କୋଟା ଲାଗି ମହା ବିକାଶ ଅଘାଡି ମଧ୍ୟ ୧୧ ଜଣଙ୍କ ନାମ ପଠାଇଛି।
ତେବେ ରାଜ୍ୟପାଳ ଏହି ୧୨ଟି ନାମକୁ ଏଯାବତ୍ ମଞ୍ଜୁରୀ ଦେଇନଥିବା ସୂଚନା ମିଳିଛି ।
