ଡ୍ରଗ୍ସ ମାମଲାରେ ଏବେ କରନ ଜୋହରଙ୍କ ନାଁ, ଆଉ ୧୨ ସେଲିବ୍ରିଟିଙ୍କୁ ଜେରା କରିପାରେ NCB

1 min read

ମୁମ୍ବାଇ: ବଲିଉଡ ଇଣ୍ଡଷ୍ଟ୍ରି ବର୍ତ୍ତମାନ ଏହାର ସବୁଠାରୁ କଠିନ ପର୍ଯ୍ୟାୟ ଦେଇ ଗତି କରୁଛି । ଡ୍ରଗ୍ ମାମଲାରେ ଏନସିବିର ତଦନ୍ତ ଦ୍ରୁତ ଗତିରେ ଆଗକୁ ମାଡ଼ି ଚାଲିଛି । ଗୋଟିଏ ପରେ ଗୋଟିଏ ନୂଆ ପେଡ଼ି ଖୋଲିବାରେ ଲାଗିଛି ଏନ୍‌ସିବି । ଦୀପିକା ପାଦୁକୋନ, ସାରା ଅଲ୍ଲୀ ଖାନ ଏବଂ ଶ୍ରଦ୍ଧା କପୁରଙ୍କ ନାଁ ଏହି ଡ୍ରଗ୍‌ସ ମାମଲାରେ ଯୋଡାଯିବା ପରେ ଏହା ଅଧିକ ଚର୍ଚ୍ଚିତ ହୋଇଛି । ଏହି ସେଲିବ୍ରିଟି ମାନଙ୍କୁ ଜେରା ପରେ ଏବେ କରଣ ଜୋହରଙ୍କ ଦ୍ୱାରା ଅୟୋଜିତ ଏକ ପାର୍ଟି ବିଷୟରେ ଚର୍ଚ୍ଚା ଆରମ୍ଭ ହୋଇଛି । ଏହି ପାର୍ଟିର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଖାଲି ସେତିକି ନୁହେଁ ଭିଡିଓଟି ସମ୍ପୂର୍ଣ୍ଣ ଅସଲି ଏବଂ ଏଥିରେ କୌଣସି ପ୍ରକାର ଏଡିଟିଂ କରାଯାଇ ନାହିଁ ବୋଲି ତଦନ୍ତରୁ ଜଣାପଡ଼ିଛି । ତେବେ କରନ ଜୋହରଙ୍କ ଦ୍ୱାରା ଆୟୋଜିତ ଏହି ପାର୍ଟିରେ ଷ୍ଟାରମାନେ ଡ୍ରଗ୍ସ ସେବନ କରିଥିଲେ ବୋଲି ଅଭିଯୋଗ ହୋଇଛି ।

ସୂଚନାନୁସାରେ, ୨୦୧୯ ମସିହାରେ କରଣ ଜୋହରଙ୍କ ଏହି ପାର୍ଟି ଭିଡିଓର ଫୋରେନସିକ୍ ରିପୋର୍ଟ ଆସିଛି ଏବଂ ଏହା ଏନସିବି ଦ୍ୱାରା ଦାଖଲ ମଧ୍ୟ କରାଯାଇଛି । ଫୋରେନସିକ୍ ରିପୋର୍ଟରେ ଏହା ପ୍ରକାଶ ପାଇଛି ଯେ ଭିଡିଓଟି ପ୍ରକୃତ ଏବଂ ଏଥିରେ କୌଣସି ଏଡିଟିଂ କରାଯାଇ ନାହିଁ। ଏହି ପ୍ରସଙ୍ଗରେ ଏକ ବୈଠକ ଅନୁଷ୍ଠିତ ହେବ, ଯେଉଁଥିରେ ମଲହୋତ୍ରା ଏବଂ ଡିଡିଜି ଅଶୋକ ଜୈନ ନେତୃତ୍ୱ ନେବେ । ଏଥିରେ, ଏନସିବି ଏବଂ ଡିଜିଙ୍କ ସହ ଆଲୋଚନା ପରେ ନିଷ୍ପତ୍ତି ନିଆଯିବ ଯେ, ଏହି ମାମଲାରେ ପରବର୍ତ୍ତୀ ପଦକ୍ଷେପ କ’ଣ ହେବ ?

ଅନ୍ୟପଟେ କରନ୍‌ ଜୋହର କହିଛନ୍ତି ଯେ, ମୁଁ ଡ୍ରଗ୍ସ ସେବନ କରେ ନାହିଁ କି ଏହାକୁ ପ୍ରୋତ୍ସାହିତ କରେ ନାହିଁ । ୨୮ ଜୁଲାଇ ୨୦୧୯ ରେ ମୋ’ ଘରେ ଯେଉଁ ପାର୍ଟି ଆୟୋଜନ ହୋଇଥିଲା ସେଥିରେ ଡ୍ରଗ୍ସ ବ୍ୟବହାର କରାଯାଇଥିଲା ବୋଲି ମିଥ୍ୟା ଖବର ପ୍ରଚାର କରାଯାଉଛିଏହି ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ।’ ସେହିଭଳି କରନ୍‌ ଆହୁରି କହିଛନ୍ତି, ସେ କ୍ଷିତିଜ୍‌ ଏବଂ ଅନୁଭବଙ୍କୁ ଜାଣନ୍ତି ନାହିଁ । ସେମାନେ ଧର୍ମା ପ୍ରଡକ୍ସନ୍ସର ଅଧିକାରୀ ନୁହଁନ୍ତି । ନଭେମ୍ବର ୨୦୧୯ ରେ କ୍ଷୀତିଜ କେବଳ ଏକ ଚୁକ୍ତିରେ କାମ କରୁଥିଲେ । ଆଉ ଅନୁଭବ ଧର୍ମା ପ୍ରଡକ୍ସନ୍ସ ସହିତ ମାତ୍ର ଦୁଇମାସ କାମ କରିଥିଲେ । ତେବେ ଏଭଳି ମିଥ୍ୟା ପ୍ରଚାର ବିରୋଧରେ କରନ୍‌ ଜୋହର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ସୂଚନା ଦେଇଛନ୍ତି ।

୧୨ ଜଣ ତାରକାଙ୍କୁ ଜେରା କରିବ ଏନ୍‌ସିବି

ଡ୍ରଗ୍ସ ମାମଲାରେ ଆଉ ଏକ ନୂଆ ମୋଡ଼ ସାମ୍ନାକୁ ଆସିଛି । କ୍ଷୀତିଜ୍‌ ପ୍ରସାଦଙ୍କ ଓକିଲ ସତୀଶ ମନେଶିନ୍ଦେ ଅଭିଯୋଗ କରିଛନ୍ତି ଯେ, ତାଙ୍କ ମହକିଲକୁ କଷ୍ଟଡିରେ ନର୍ଯାତନା ଦିଆଯାଉଛି ଏବଂ କରନ୍‌ ଜୋହରଙ୍କ ନାଁ ନେଇ ତାଙ୍କୁ ଫସାଇବାକୁ ବାଧ୍ୟ କରାଯାଉଛି । ସିଗାରେଟ୍‌ ବର୍ଡକୁ ଡ୍ରଗ୍ସ ବୋଲି କହି ଅଭିଯୋଗ କରାଯାଉଛି । ତେବେ ଆଗାମୀ ଦିନରେ କରନ ଜୋହରଙ୍କ ସହ କ’ଣ କରିବ ଏନ୍‌ସିବି, ତାହା ତ ପଛ କଥା । ହେଲେ କରୋନ ଜୋହରଙ୍କ ପାର୍ଟି ଭିଡିଓ ଯୋଗୁଁ ଆଉ ୧୨ ଜଣଙ୍କୁ ଜେରା କରିବା ପାଇଁ ଏନ୍‌ସିବି ପ୍ରସ୍ତୁତ ହେଉଛି ବୋଲି ସୂଚନା ମିଳିଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner