ନିମ କରୋଲି ବାବାଙ୍କ ଭକ୍ତିରେ ଅନୁଷ୍କା, ସେୟାର କଲେ ଫଟୋ

ମୁମ୍ବାଇ: ନିମ୍ କରୋଲି ବାବାଙ୍କ ଭକ୍ତ ସମଗ୍ର ବିଶ୍ୱରେ ଅଛନ୍ତି । ବହୁ ପ୍ରସିଦ୍ଧ ବଲିଉଡ ସେଲିବ୍ରିଟିମାନେ ମଧ୍ୟ ତାଙ୍କୁ ସେମାନଙ୍କର ଗୁରୁ ଭାବରେ ବିବେଚନା କରନ୍ତି । ଜଣାଶୁଣା ଅଭିନେତ୍ରୀ ଅନୁଷ୍କା ଶର୍ମା ମଧ୍ୟ ତାଙ୍କର ଭକ୍ତ। କିଛି ସମୟ ପୂର୍ବରୁ ଅନୁଷ୍କା ଶର୍ମା ତାଙ୍କ ସ୍ୱାମୀ ତଥା କ୍ରିକେଟର ବିରାଟ କୋହଲିଙ୍କ ସହ ନିମ୍ କରୋଲି ବାବାଙ୍କ ଆଶ୍ରମରେ ପହଞ୍ଚି ସେଠାରେ ପ୍ରଣାମ କରିଥିଲେ।

ଅନୁଷ୍କା ଶର୍ମା ନିକଟରେ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଭକ୍ତି ପୂର୍ଣ୍ଣ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ସେ ଗୁରୁଙ୍କ ପ୍ରତି ସମ୍ମାନ ଜଣାଇବା ସହ ଜପ କରିବାର ଅନୁଭୂତି ବିଷୟରେ ସେୟାର କରିଛନ୍ତି ।

ଅନୁଷ୍କା ଶର୍ମା ଇନଷ୍ଟାଗ୍ରାମରେ ଏହି ପୋଷ୍ଟ ସହ କିଛି ଫଟୋ ସେୟାର କରିଛନ୍ତି। ଅନୁଷ୍କା ଶର୍ମା ତାଙ୍କ ପୋଷ୍ଟରେ କୃଷ୍ଣ ଦାସଙ୍କ ଚାନ୍ସ ଅଫ୍ ଲାଇଫ୍ ଟାଇମ୍ ର ଏକ ଅଂଶ ସେୟାର କରିଛନ୍ତି । ଯେଉଁଥିରେ ଲେଖା ଅଛି ଯେ ‘ଜପ ମୋତେ ମୋ ଭିତରେ ଥିବା ପ୍ରେମର ଆକାଶକୁ ନେଇଯାଏ ଯାହା ମୋର ଗୁରୁ ନିମ୍ କରୋଲି ବାବାଙ୍କ ପ୍ରତି ଅଛି । ବାହାରୁ ସେ ଏକ ବୃଦ୍ଧ ପରି ନଜର ଆସନ୍ତି ଯିଏ କମ୍ବଳରେ ଆଚ୍ଛାଦିତ ହୋଇଥାନ୍ତି । ଏବଂ ତାଙ୍କ ଉପସ୍ଥିତିରେ ମୁଁ ନିସ୍ୱାର୍ଥପର ପ୍ରେମକୁ ଅନୁଭବ କରେ।