ICUରେ ବଲିଉଡ୍ ଅଭିନେତା ଇରଫାନ୍ ଖାନ୍

ମୁମ୍ବାଇ: ବଲିଉଡ୍ ଅଭିନେତା ଇରଫାନ୍ ଖାନଙ୍କ ସ୍ୱାସ୍ଥ୍ୟବସ୍ଥା ଅଚାନକ ବିଗିଡିବାକୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଇରଫାନଙ୍କୁ ମୁମ୍ବାଇସ୍ଥିତ କୋକିଲାବେନ୍ ହସ୍ପିଟାଲ ଆଇସିୟୁରେ ରଖାଯାଇଛି । ନିକଟରେ ଇରଫାନଙ୍କ ମା’ଙ୍କର ଦେହାନ୍ତ ହୋଇଥିଲା । ତେବେ ଲକଡାଉନ୍ କାରଣରୁ ସେ ମା’ଙ୍କ ଶେଷକୃତ୍ୟରେ ସାମିଲ ହୋଇ ପାରିନଥିଲେ । ଭିଡଓ କଲ ଜରିଆରେ ସେ ନିଜ ମା’ଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।

ଦୁଇ ବର୍ଷ ତଳେ ମାର୍ଚ୍ଚ ୨୦୧୮ରେ ଇରଫାନ ଅଚାନକ ଅସ୍ୱସ୍ଥ ହୋଇପଡିଥିଲେ । ଇରଫାନ୍ ଏସମ୍ବନ୍ଧରେ ନିଜେ ଟ୍ୱିଟ୍ କରିଥିଲେ । ଟ୍ୱିଟ୍ କରି ସେ ଫ୍ୟାନଙ୍କୁ ତାଙ୍କୁ ହୋଇଥିବା ରୋଗ ସମ୍ବନ୍ଧରେ ସୂଚିତ କରିଥିଲେ ।  ସେତେବେଳେ ସେ ଲେଖିଥିଲେ ଯେ, ଜୀବନରେ ଅଚାନକ ଏମିତି କିଛି ହୋଇଥାଏ, ଯାହା ଆପଣଙ୍କୁ ଆଗକୁ ନିଏ । ମୋ ଜିବନର ଗତ କିଛିଦିନ ଏହିଭଳି । ମୋତେ ନ୍ୟୁରୋ ଇଣ୍ଡୋକ୍ରାଇନ୍ ଟ୍ୟୁମର ହୋଇଛି ।

୫୫ ବର୍ଷିୟ ଇରଫାନ ୨୦୧୯ରେ ବିଦେଶରେ ଚିକିତ୍ସିତ ହେବା ପରେ ଭାରତ ଫେରିଥିଲେ । ସେତେବେଳେ ତାଙ୍କୁ ଏୟାରପୋର୍ଟରେ ହ୍ୱିଲଚେୟାରରେ ଦେଖିବାକୁ ମିଳିଥିଲା । ବିଦେଶରୁ ଫେରିବା ପରେ ତାଙ୍କ ପ୍ରଥମ ଫିଲ୍ମ ଥିଲା ଇଂଲିଶ ମିଡିୟମ । ତେବେ କରୋନା କାରଣରୁ ଏହି ଫିଲ୍ମକୁ ବ୍ୟବସାୟିକ ସଫଳତା ମିଳିପାରିନାହିଁ