ନକଲି ସାର୍ଟିଫିକେଟ୍ କାରବାର ମାମଲାରେ ଛାନବିନ୍, ୩ ସନ୍ଦିଗ୍ଧଙ୍କୁ ଉଠାଇନେଲା କ୍ରାଇମବ୍ରାଞ୍ଚ

ବଲାଙ୍ଗୀର: ବଲାଙ୍ଗୀର ଫେକ୍ ସାର୍ଟିଫିକେଟ୍ ମାମଲାରେ ଛାନବିନ୍ । ରାକେଟରେ ସାମିଲ ଥିବା ୩ ଜଣ ସନ୍ଦୀଗ୍ଧଙ୍କୁ ଉଠାଇ ନେଇଛି କ୍ରାଇମବ୍ରାଞ୍ଚ । ଅଜ୍ଞାତ ସ୍ଥାନରେ ପଚରାଉଚରା କରୁଛି କ୍ରାଇମବ୍ରାଞ୍ଚର ସ୍ବତନ୍ତ୍ର ଟିମ୍ । ଆଗକୁ ଗିରଫଦାରୀ ସଂଖ୍ୟ ବଢ଼ିପାରେ ବୋଲି କ୍ରାଇମବ୍ରାଞ୍ଚ ପକ୍ଷରୁ ସୂଚନା ମିଳିଛି I ପୂର୍ବରୁ ମାଷ୍ଟରମାଇଣ୍ଡ ସହ ୪ ଜଣଙ୍କୁ ଗିରଫ କରାଯାଇଛି । ରିମାଣ୍ଡ ସମୟରେ ଅଭିଯୁକ୍ତଙ୍କଠାରୁ ସୁରାକ ପାଇବା ପରେ ତଦନ୍ତକୁ ଆହୁରୁ ବ୍ୟାପକ କରିଛି କ୍ରାଇମବ୍ରାଞ୍ଚ I

ତିନି ଦିନିଆ ରିମାଣ୍ଡରେ ଥିବା ୪ ଅଭିଯୁକ୍ତ ମଧ୍ୟରୁ ଆଲୋକ ଓ ତ୍ରିବିହାରୀ ଜେରା ବେଳେ କ୍ରାଇମବ୍ରାଞ୍ଚକୁ ଅନେକ ତଥ୍ୟ ଦେଇଛନ୍ତି I ଯାହାକୁ ନେଇ କ୍ରାଇମବ୍ରାଞ୍ଚ ସ୍କାନରରେ ପ୍ରାୟ ଦୁଇଶହ ବ୍ୟକ୍ତି ରହିଥିବା ଜଣାପଡ଼ିଛି I ଜାଲ ସାର୍ଟିଫିକେଟରେ ଚାକିରି ହାତେଇଥିବା ଲୋକଙ୍କ ଲିଷ୍ଟ ପ୍ରସ୍ତୁତ କରାଯାଇଛି I ଏଥିରେ କିଛି ସରକାରୀ ଚାକିରିଆ ବି ସାମିଲ ଅଛନ୍ତି I ଜାଲ ସାର୍ଟିଫିକେଟ ରାକେଟରେ ଥିବା ମନୋଜର ସହଯୋଗୀକୁ ମଧ୍ୟ ଚିହ୍ନଟ କରାଯାଇଛି I ଜାଲ ସାର୍ଟିଫିକେଟ ଘଟଣାର ମାଷ୍ଟର ମାଇଣ୍ଡ ମନୋଜ ମିଶ୍ର, ଆଲୋକ ଉଦଗାତା, ତ୍ରିବିହାରି ପଣ୍ଡା ଓ ପରେସ ବୁଡେକକୁ ରିମାଣ୍ଡରେ ନେଇ ଅଧିକ ତଥ୍ୟ ପାଇଛି କ୍ରାଇମବ୍ରାଞ୍ଚ I