ଦିନକୁ ଦିନ ବଲାଙ୍ଗୀରରେ ବିଗୁଡୁଛି ଆଇନଶୃଙ୍ଖଳା ପରିସ୍ଥିତି

ବଲାଙ୍ଗୀର : ସରକାର ବଦଳିବା ପରେ ବଲାଙ୍ଗୀର ଜିଲ୍ଲାରେ ବିଗୁଡୁଛି ଆଇନଶୃଙ୍ଖଳା ପରିସ୍ଥିତି  । ଥାନା ସାମ୍ନାରେ ପୋଲିସ ଅଧିକାରୀ ମୁଣ୍ଡରେ ବନ୍ଧୁକ ଲଗାଇ ଭୟଭୀତ କରିବାକୁ ପଛାଇନାହାନ୍ତି ଅପରାଧି  । ବେଆଇନ ଜମି କାରବାର, ଦାଦାବଟି ଓ ନିଶା କାରବାର ହୁହୁ ହୋଇ ବଢ଼ି ଚାଲିଛି  । ଗତ କିଛିମାସ ଭିତରେ ସିରିଜ୍ ହତ୍ୟାକାଣ୍ଡ, ମରଣାନ୍ତକ ଆକ୍ରମଣ, ଲୁଟ, ଡକାୟତି ଘଟଣା ବଢ଼ିଛି  । ଗଳି ଗଳିରେ କପ୍ ସିରଫ, ନିଶା ଟାବଲେଟ ସହ ବେଆଇନ ମଦ କାରବାର ଚାଲିଛି  । ଅଭିଯୋଗ ପରେ ମଧ୍ଯ କାର୍ଯ୍ୟାନୁଷ୍ଠାନ ଶୂନ ।

ଗତକିଛି ଦିନ ତଳେ ବଙ୍ଗୋମୁଣ୍ଡା ଥାନା ଅଞ୍ଚଳରେ ଦଳିତ ଛାତ୍ରୀଙ୍କୁ ମଇଳା ବୋଳିବା ଘଟଣାରେ ମୁଖ୍ୟ ଅଭିଯୁକ୍ତ ଧରାପଡ଼ିନଥିବା ଅଭିଯୋଗ ହୋଇଛି  । ପୋଲିସ ନିରପେକ୍ଷ ତଦନ୍ତ କରି ଉଚିତ୍ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଛି । ଆଇନଶୃଙ୍ଖଳା ପରିସ୍ଥିତି ଅସମ୍ଭାଳ ହୋଇ ପଡିଥିବା ବେଳେ ବଲାଙ୍ଗୀର ବିଧାୟକ ଉଦବେଗ ପ୍ରକାଶ କରି ବଲାଙ୍ଗୀର ଏସପିଙ୍କ ସହ ଆଲୋଚନା କରିଛନ୍ତି  । ବିଧାୟକଙ୍କ ସହ ବିଭିନ୍ନ ସଂଗଠନର ମହିଳା ମାନେ ଉପସ୍ଥିତ ରହିଥିଲେ  । ସିସିଟିଭିରେ ଚିହ୍ନଟ କରାଯାଇ ଅସାମାଜିକ ଓ ନିଶାସକ୍ତଙ୍କ ପ୍ରତି କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ବଲାଙ୍ଗୀର ଏସପି ।