ବିବାହରେ ଯୋଗ ଦେବାକୁ କହି ଫେରିଲେନି ମହିଳା କିରାଣୀ

ବଲାଙ୍ଗୀର: ଭାଲୁମୁଣ୍ଡା ପ୍ରସନ୍ନପାଲ କଲେଜ ମହିଳା କିରାଣୀ ନିଖୋଜ ପରେ ଥାନାରେ ଏତଲା । ନିଖୋଜ ମହିଳା କିରାଣୀ ଜଣକ ହେଲେ ବଙ୍ଗୋମୁଣ୍ଡା ଆମ୍ବେଦକର ନଗରର ମୌସୁମୀ କୁମ୍ଭାର । ମୌସୁମୀ ଗତ ୨୯ ତାରିଖ ବଲାଙ୍ଗୀର ଏକ ବିବାହରେ ଯୋଗ ଦେବାକୁ କହି ଘରୁ ବାହାରି ଆଉ ଘରକୁ ଫେରିନାହାନ୍ତି  ।

ମୌସୁମୀଙ୍କ ପରିବାର ଲୋକ ବହୁ ଖୋଜାଖୋଜି କରିବା ପରେ ପରିବାର ପକ୍ଷରୁ ବଙ୍ଗୋମୁଣ୍ଡା ଥାନାରେ ଅଭିଯୋଗ କରିଛନ୍ତି  । ପୋଲିସ ଏନେଇ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରି ଦେଇଛି  । ତେବେ ମହିଳା କିରାଣୀଙ୍କ ମୋବାଇଲ ମଧ୍ୟ ସୁଇଚ ଅଫ ଥିବା ଜଣାପଡିଛି  ।