ବାଇକ୍ ନମ୍ବର ପ୍ଲେଟରେ ଲେଖାଥିଲା ‘କହିଦେବ ପାଲ୍ ସାହେବ ଆସିଥିଲେ’, ପୁଣି କ’ଣ ହେଲା…

ଲକ୍ଷ୍ନୌ: ଗାଡ଼ିର ନମ୍ବର ପ୍ଲେଟରେ ସାଧରଣତଃ ରେଜିଷ୍ଟ୍ରେସନ୍ ନମ୍ବର ଲେଖାଥାଏ । ଆଉ କେହି କେହି କୌଣସି ଦେବାଦେବୀଙ୍କ ନାଁ ଲେଖିଥାନ୍ତି । କିନ୍ତୁ ଉତ୍ତରପ୍ରଦେଶର ଔରିୟାରେ ପୋଲିସ ଏକ ବାଇକ୍ ସହ ତିନିଜଣ ଯୁବକଙ୍କୁ ଧରିଛି । ଆଉ ଏହି ଯୁବକ ମାନେ ବାଇକର ନମ୍ବର ପ୍ଲେଟକୁ ଗେରୁଆ ରଙ୍ଗ ବୋଳି କଳା ରଙ୍ଗରେ ଲେଖିଥିଲେ, ‘କହିଦେବ ପାଲ୍ ସାହେବ ଆସିଥିଲେ’ ।

आज @auraiyapolice की नज़र एक मोटर साइकिल पर पड़ी जिस पर लिखा हुआ था “बोल देना पाल साहब आए थे “ उस पर बैठे युवको को यह नही पता था की पाल साहब की यह सवारी आयी तो सही लेकिन जा नही पाएगी ! यह तो वही बात हो गयी-“राह में चलते मुलाक़ात हो गयी जिससे डरते थे वही बात हो गयी”।@Uppolice pic.twitter.com/hsdpeLQXRr

— ABHISHEK VERMA I.P.S (@vermaabhishek25) March 15, 2022

ପୋଲିସ ତିନିଜଣ ଯୁବକଙ୍କୁ ଗିରଫ କରିଛି । ତିନିଜଣ ଯୁବକ କାନପୁର ଦେହାତର ହୋଇଥିବା ବେଳେ ଔରିୟା ସ୍ଥିତ ସାଇ ମନ୍ଦିରକୁ ଦର୍ଶନ ପାଇଁ ବାଇକରେ ଯାଇଥିଲେ । କାନପୁର-ହଟୱା ୧୯ ନମ୍ବର ଜାତୀୟ ରାଜପଥରେ ଯାଞ୍ଚ କରୁଥିବା ପୋଲିସ ନଜରରେ ପଡ଼ିଥିଲା ଏହି ବାଇକ୍ । ପୋଲିସ ବାଇକ୍ ସହ ତିନିଜଣ ଯୁବକଙ୍କୁ ଧରି ପଚରାଉଚରା କରିଥିଲା । କୌଣସି ସନ୍ତୋଷଜନକ ଉତ୍ତର ନ ମିଳିବାରୁ ଗିରଫ କରିଛି ।

ଏନେଇ ଖୋଦ୍ ସ୍ଥାନୀୟ ଏସପି ଟ୍ୱିଟ୍ କରିଛନ୍ତି । ତିନି ଜଣ ଯୁବକଙ୍କ ନାଁ ଅନୁଜ ପାଲ, ଶୁଭମ ପାଲ ଓ ଅଙ୍କିତ ପାଲ ବୋଲି ଜଣାପଡ଼ିଛି । ‘କହିଦେବ ପାଲ୍ ସାହେବ ଆସିଥିଲେ’ ଏଭଳି ଲେଖା ସେମାନେ ଭୁଲବଶତଃ ଲେଖିଥିବା ପୋଲିସକୁ କହିଛନ୍ତି ।