ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର: ଗର୍ଭବତୀ ଥିବା ସନ୍ଦେହ

ଗଜପତି: ମୋହନା ଥାନା ଡେଙ୍ଗାସର୍ଗି ଗାଁ ନିକଟସ୍ଥ ଜଙ୍ଗଲର ତେନ୍ତୁଳି ଗଛରୁ ଝୁଲନ୍ତା ଅବସ୍ଥାରେ ଜଣେ ୧୦ମ ଶ୍ରେଣୀ ଛାତ୍ରୀଙ୍କ ମୃତଦେହ ଉଦ୍ଧାର କରାଯାଇଛି l ମୃତକ ସେହିଗ୍ରାମର ତ୍ରିନାଥ ମଲ୍ଲିକଙ୍କ ଝିଅ ମାଫିକା ମଲ୍ଲିକ l   ଗୁରୁବାର ସନ୍ଧ୍ୟା ଠାରୁ ମାଫିକା ଘରୁ ନିଖୋଜ ଥିଲେ । ଆଜି ପରିବାର ବର୍ଗ ତାଙ୍କ ମୃତଦେହ ଉଦ୍ଧାର କରିଛନ୍ତି l ଖବର ପାଇ ମୋହନା ପୋଲିସ ଘଟଣା ସ୍ଥଳରେ ପହଞ୍ଚି ଏକ ଅପମୃତ୍ୟୁ ମାମଲା ରୁଜୁ କରିବା ସହ  ମୃତଦେହ ଜବତ କରିବା ସହ ଶବ ବ୍ୟବଛେଦ ନିମନ୍ତେ ବ୍ରହ୍ମପୁର ଏମ୍‌କେସିଜି ମେଡିକାଲ ପଠାଇଛି l ମାଫିକା କିଛି ମାସର ଗର୍ଭବତୀ ଥିବା ସନ୍ଦେହ କରାଯାଉଥିବା ବେଳେ ବ୍ୟବଛେଦ ରିପୋର୍ଟ ଆସିବା ପରେ ପ୍ରକୃତ ସତ ଜଣାପଡିବ ବୋଲି ପୋଲିସ ସୂଚନା ଦେଇଛି l