ଜଳାପୁଟ ଜଳ ଭଣ୍ଡାରରେ ଡଙ୍ଗା ବୁଡ଼ି ଘଟଣା: ନିଖୋଜ ଯୁବକଙ୍କ ମୃତଦେହ ଉଦ୍ଧାର

କୋରାପୁଟ: ଜଳାପୁଟ ଜଳ ଭାଣ୍ଡର ପାଡୁଆ ଘାଟରେ ଡଙ୍ଗା ବୁଡି ଘଟଣାରେ ନିଖୋଜ ଅନ୍ୟ ଜଣଙ୍କ ମୃତଦେହ ଉଦ୍ଧାର ହୋଇଛି । ପୂର୍ବରୁ ୨ଜଣଙ୍କ ମୃତଦେହ ଉଦ୍ଧାର ହୋଇଥିଲା । ଅଗ୍ନିଶମ ବିଭାଗ ଓ କୋରାପୁଟ ଓ ଓଡ୍ରାଫ ଟିମ ନିଖୋଜ ୩ ଯୁବକଙ୍କ ମୃତଦେହ ଉଦ୍ଧାର କରିଛନ୍ତି । ୪ଦିନ ହେଲା ପାଡୁଆ ଘାଟରେ ଓଡ୍ରାଫ ଟିମ ଓ ଅଗ୍ନିଶମ ବିଭାଗ କର୍ମଚାରୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ନିଖୋଜ ଚିତ୍ର ଖିଲଙ୍କ କୌଣସି ସନ୍ଧାନ ମିଳୁନଥିବାରୁ ପରିବାର ଲୋକେ ଚିନ୍ତିତ ହୋଇପଡିଥିଲେ । ଗତ ରବିବାର ଦିନ ପାଡୁଆ ଗାଁର ୫ଜଣ ଯୁବକ ନିକଟସ୍ଥତ ଗାଁ କୁ ଦଶହରା ଉତ୍ସାବ ଦେଖିବାକୁ ଏକ କାଠ ଡଙ୍ଗାରେ ଯାଉଥିବା ବେଳେ ମଝି ଜଳ ଭାଣ୍ଡରରେ ଡଙ୍ଗା ବୁଡି ଯାଇଥିଲା । ଫଳରେ ୫ଜଣ ଯୁବକ ପାଣିରେ ବୁଡି ଯାଇଥିଲେ  । ସେଥି ମଧ୍ୟରୁ ୨ଜଣ ଯୁବକ ପହଁରି ପହଁରି ନିଜ ଜୀବନକୁ ବଞ୍ଚାଇଥିଲେ । ଅନ୍ୟ ୩ଜଣ ନିଖୋଜ ହୋଇଯାଇଥିଲେ । ମନୋଜ ହାନ୍ତାଲ ଓ ପ୍ରଶାନ୍ତ ଖରାଙ୍କ ମୃତ ଦେହକୁ ଉଦ୍ଧାର କରାଯାଇ ଶବ ସତ୍କାର କରାଯାଇଥିବା ବେଳେ ଆଜି ସକାଳୁ ଚିତ୍ର ଖିଲଙ୍କ ମୃତ ଦେହ କୁ ବଡେଲା ଅଞ୍ଚଳରୁ ଉଦ୍ଧାର କରାଯାଇଛି ।

ସାଂସଦଙ୍କୁ ହତ୍ୟା ପାଇଁ ଦେଇଥିଲେ ୨ କୋଟି ଟଙ୍କାର ସୁପାରି