ବନ୍ୟା ରିଲିଫ୍ ଦେଇ ଫେରିବା ବାଟରେ ଡ଼ଙ୍ଗାର ଦୁର୍ଘଟଣା, ଜଣେ ନିଖୋଜ
ମାଲକାନାଗିରି: ମୋଟୁ ସୀମାସ୍ଥିତ ଆନ୍ଧ୍ରର ଚିନ୍ତୁରରେ ଡ଼ଙ୍ଗା ଦୁର୍ଘଟଣା । ପୋଲର ପିଲର ସହ ଧକ୍କା ହୋଇ ଡ଼ଙ୍ଗା ବୁଡ଼ିଗଲା । ଡ଼ଙ୍ଗାରେ ଥିବା ୩ଜଣ ମଧ୍ୟରୁ ୨ ଜଣ ଉଦ୍ଧାର ଜଣେ ନିଖୋଜ ରହିଛନ୍ତି । ବନ୍ୟା ପୀଡ଼ିତଙ୍କ ପାଇଁ ରାସନ ପହଞ୍ଚାଇ ଫେରିବା ବେଳେ ଦୁର୍ଘଟଣା ହୋଇଥିଲା । ନିଖୋଜ ବ୍ୟକ୍ତିଙ୍କୁ ଉଦ୍ଧାର କାର୍ଯ୍ୟ ଜାରି ରହିଛି । ଅଗ୍ନିସମ ବାହିନି ପହଞ୍ଚି ଉଦ୍ଧାରକାର୍ଯ୍ୟ ଜାରି ରଖିଛି ।
ସନ୍ଧ୍ୟା ୭ ୪୦ ସମୟରେ ଏଭଳିଘଟଣା ଘଟିଛି । ବନ୍ୟା ପାଣିର ବେଗ ଏତେ ଥିଲାଯେ ଡଙ୍ଗାଟି ପୁରା ଦୁଇ ଖଣ୍ଡ ହୋଇଯାଇଛି । ତେବେ ପ୍ରବଳ ସୁଅ ରହିଥିବାରୁ ଉଦ୍ଧାର କାର୍ଯ୍ୟରେ ଅସୁବିଧା ହେଉଛି । ଅନ୍ଧାର କାରଣରୁ ପୋଲର ପିଲର ଦେଖିପାରି ନଥିଲେ ଡଙ୍ଗା ଚାଳକ । ଯାହାଫଳରେ ଡ଼ଙ୍ଗଟି ଯାଇ ପିଲରରେ ମାଡ଼ ହୋଇଥିଲା । ଏବେ ପର୍ଯ୍ୟନ୍ତ ଉଦ୍ଧାର କାର୍ଯ୍ୟ ଜାରି ରହିଛି ।
