ମହାନଦୀରେ ଭାସିଗଲା ଡଙ୍ଗା, ଉଦ୍ଧାର କଲା ଅଗ୍ନିଶମ ବାହିନୀ

କେନ୍ଦ୍ରାପଡ଼ା: ମହାନଦୀର ପ୍ରଖରସ୍ରୋତରେ ଭାସିଗଲା ଡଙ୍ଗା  । ମିଳିଥିବା ସୂଚନା ମୁତାବକ ପାରାଦୀପରୁ ମହାକାଳପଡ଼ା ଅଭିମୁଖେ ଡଙ୍ଗାଟି ଆସୁଥିଲା  । କିନ୍ତୁ ବନ୍ୟାଜଳ ପ୍ରବାହିତ ହେଉଥିବାରୁ ମହାନଦୀରେ ସ୍ରୋତର ବେଗ ୱପ୍ରଖର ରହିଛି  । ଯାହା ଫଳରେ ମଝି ନଦୀରେ ଡଙ୍ଗାଟି ଭାସିଯାଇଥିବା ଜଣାପଡିଛି  । ମହାକାଳପଡ଼ା ବ୍ଲକର ବାହାକୁଦରେ ଏହି ଅଘଟଣ ଘଟିଛି  ।

ସେପଟେ ଡଙ୍ଗାରେ  ୩୦ରୁ ଅଧିକ ଯାତ୍ରୀ ରହିଥିଲେ  । ଅଘଟଣ ଘଟିବା ଫଳରେ  ୪ରୁ ୫ କିମି ପର୍ଯ୍ୟନ୍ତ ଡଙ୍ଗାଟି ଭାସିଯାଇଥିବା ସୂଚନା ମିଳିଛି  । ଖବର ପାଇଁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଁଚିବା ସହ  ସମସ୍ତଙ୍କୁ ସୁରକ୍ଷିତ ଉଦ୍ଧାର କରିଥିବା ଜଣାପଡ଼ିଛି  ।