ଚିକିଟି ମଦମୃତ୍ୟୁ: ମାମଲାର ତଦନ୍ତ କରିବେ ରାଜସ୍ବ ପର୍ଷଦ

ଭୁବନେଶ୍ବର: ଆରଡିସି ତଦନ୍ତ ନୁହେଁ, ଚିକିଟି ମଦମୃତ୍ଯୁ ମାମଲାର ତଦନ୍ତ କରିବେ ରାଜସ୍ବ ପର୍ଷଦ ସଦସ୍ୟ । ଏନେଇ ଅବକାରୀ ବିଭାଗ ପକ୍ଷରୁ ଜାରି ହୋଇଛି ବିଜ୍ଞପ୍ତି । ଏଥିପାଇଁ ୪ଟି ଟର୍ମ ଅଫ ରେଫେରାନ୍ସ ଦିଆଯାଇଛି । କେଉଁ କାରଣ ପାଇଁ ଏଭଳି ଘଟଣା ଘଟିଲା ? ଏହି ଘଟଣା ପାଇଁ କିଏ ଦାୟୀ ? ଅବକାରୀ ବିଭାଗ ଓ ପୋଲିସ ବିଭାଗର ଅବହେଳା ଅଛି ନା ନାହିଁ ? ଭବିଷ୍ଯତର ଏଭଳି ଘଟଣା ଯେପରି ନଘଟେ ସେ ନେଇ ସରକାରଙ୍କୁ ପରାମର୍ଶ ଦେବେ ରାଜସ୍ବ ପର୍ଷଦ ସଦସ୍ଯ ।

ଏନେଇ ବିଜ୍ଞପ୍ତିରେ ଉଲ୍ଲେଖ କରାଯାଇଛି । ବହୁଚର୍ଚ୍ଚିତ ଚିକିଟି ମଦମୃତ୍ଯୁ ମାମଲାରେ ଆରଡିସି ତଦନ୍ତ କରିବାକୁ ଗତ ବିଧାନସଭା ଅଧିବେଶନ ସମୟରେ ଗଣମାଧ୍ଯମକୁ କହିଥିଲେ ଅବକାରୀ ପୃଥ୍ବୀରାଜ ହରିଚନ୍ଦନ ।

ଅଗଷ୍ଟ ୧୯ ତାରିଖରେ ଗଞ୍ଜାମ ଜିଲ୍ଲା କେ.ନୂଆଗାଁ ଥାନା ଅନ୍ତର୍ଗତ ମୌନ୍ଦପୁର ଗ୍ରାମରେ ବେଆଇନ ଦେଶୀ ମଦ ପିଇବା କାରଣରୁ ପେଟ ଯନ୍ତ୍ରଣା ଓ ବାନ୍ତି ହୋଇ ୫ ଜଣଙ୍କ ମୃତ୍ଯୁ ହୋଇଛି ।