ଆଗକୁ ମୌସୁମୀ, ଜଳବନ୍ଦୀ ସମସ୍ୟାର ସମାଧାନ ପାଇଁ ବିଏମସିର ଆଗୁଆ ପଦକ୍ଷେପ

ଭୁବନେଶ୍ୱର: ଆଗକୁ ମୌସୁମୀ। ବର୍ଷା ଦିନରେ ଭୁବନେଶ୍ୱର ସହରର ବିଭିନ୍ନ ଖାଲୁଆ ଅଂଚଳ ଜଳମଗ୍ନ ହେବା ଜଳବନ୍ଦୀ ସ୍ଥିତି ଉପୁଜେ । ଏହି ସମସ୍ୟାର ସମାଧାନ ପାଇଁ ବିହିତ ପଦକ୍ଷେପ ଗ୍ରହଣ କରାଯାଉଥିଲେ ହେଁ ସ୍ଥାୟୀ ପ୍ରତିକାର ହୋଇପାରୁନାହିଁ। ଫଳରେ ଏଭଳି ସମସ୍ୟାର ସମାଧାନ ପାଇଁ ବିଏମସି ପକ୍ଷରୁ ଆଗୁଆ ପଦକ୍ଷେପ ଗ୍ରହଣ କରାଯାଇଛି। ବିଭିନ୍ନ ବିଭାଗ ମଧ୍ୟରେ ସମନ୍ୱୟ ରକ୍ଷା କରିବା ସହ ଖାଲୁଆ ଅଂଚଳରେ କିଭଳି ଜଳ ନିଷ୍କାସନ ହେବ ସେଥିପ୍ରତି ଧ୍ୟାନ ଦିଆଯାଇଛି।

ଡ୍ରେନଗୁଡିକୁ ପ୍ରଶସ୍ଥ କରି ସଫା କରିବା ଓ ଜାଲି ଲଗାଇ ବର୍ଜ୍ୟ ବସ୍ତୁକୁ ବାହାର କରିବା ଉପରେ ଗୁରୁତ୍ୱ ଦିଆଯାଇଛି। ଜଳବନ୍ଦୀ ହେଉଥିବା ୫୦ରୁ ଅଧିକ ସମ୍ବେଦନଶୀଳ ସ୍ଥାନ ଚିହ୍ନଟ କରି ଅଗ୍ନିଶମ ବିଭାଗର ସହଯୋଗରେ ପମ୍ପ ଲଗାଇ କିଭଳି ବର୍ଷା ଜଳ ନିଷ୍କାସନ ହୋଇ ପାରିବ ସେନେଇ ନିୟମିତ ସମୀକ୍ଷା କରାଯାଉଥିବା କହିଛନ୍ତି ବିଏମସି କମିଶନର।