ଟ୍ୟାକ୍ସ ପଇଠରେ ଅବହେଳା କଲେ ଏବେ ଆକ୍ସନ ନେବ ବିଏମସି
ଭୁବନେଶ୍ୱର: ଆକ୍ସନ ମୋଡରେ ବିଏମସି । ୫୧ ନମ୍ବର ୱାର୍ଡ ଅଫିସର ଇଶ୍ୱର ସ୍ୱାଇଁ ନିଲମ୍ବିତ । ରାଜସ୍ୱ ଆଦାୟରେ ବ୍ୟାପକ ଅନିୟମିତତା ଅଭିଯୋଗରେ ନିଲମ୍ବନ କଲେ ବିଏମସି କର୍ତ୍ତୃପକ୍ଷ । ହୋଟେଲ, ଘରୋଇ ସ୍କୁଲ, କଲେଜ ଆଦି ବ୍ୟବସାୟିକ ପ୍ରତିଷ୍ଠାନ ଗୁଡ଼ିକ ଟ୍ୟାକ୍ସ ପଇଠ କରିବାରେ ଅବହେଳା କଲେ ସୋମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବ ବିଏମସି ।
କମିଶନରଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଏଭଳି ନିଷ୍ପତ୍ତି ନିଆଯାଇଛି । ଜୋନାଲ ଡେପୁଟି କମିଶନର ବିଭାଗୀୟ କର୍ତ୍ତୃପକ୍ଷଙ୍କ ସହ ଆଲୋଚନା କରି ସମ୍ପୃକ୍ତ ବ୍ୟକ୍ତି ବା ସଂସ୍ଥାର ପାଣି ଓ ବିଦ୍ୟୁତ ସଂଯୋଗ ବିଚ୍ଛିନ୍ନ କରାଯିବ । ଓଡ଼ିଶା ପବ୍ଲିକ ଡିମାଣ୍ଡ ରିକୋଭରି ଆକ୍ଟ ୧୯୬୨ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ।
