ଭୁବନେଶ୍ୱରରେ ମହିଳାଙ୍କୁ ମିଳିବ ଭେଣ୍ଡିଂ ଜୋନ୍, ସ୍ଥାନ ଚିହ୍ନଟ କଲେ ମେୟର

ଭୁବନେଶ୍ୱର: ବିଏମସି ପକ୍ଷରୁ ପ୍ରତିଷ୍ଠା ହେବ ମହିଳାଙ୍କ ପାଇଁ ସ୍ୱତନ୍ତ୍ର ଭେଣ୍ଡିଂ ଜୋନ । ମେୟର ସୁଲୋଚନା ଦାସଙ୍କ ନେତୃତ୍ୱରେ ଗଠିତ ଟିମ ସ୍ଥାନ ଚିହ୍ନଟ କରିଛନ୍ତି  ।  ସିଆରପିଏଫ ଛକରେ ବିସ୍ତୃତ ଜମିକୁ ଚିହ୍ନଟ କରାଯାଇଛି ।

ଅନ୍ୟୁନ ୫୦ଟି ଦୋକାନର ବ୍ୟବସ୍ଥା ରହିବ । ମହିଳା SHGଙ୍କ ଦ୍ୱାରା ପ୍ରସ୍ତୁତ ସାମଗ୍ରୀର ବିକ୍ରିବଟା ପାଇଁ ସ୍ୱତନ୍ତ୍ର ବଜାର ଉପଲବ୍ଧ କରାଯିବ । ମହିଳାଙ୍କୁ ସଶକ୍ତ କରିବାକୁ ମୁଖ୍ୟମନ୍ତ୍ରୀଙ୍କ ପ୍ରୟାସରେ ସହାୟକ ହେବ ଏହି ପ୍ରକଳ୍ପ ।

ମହିଳାଙ୍କ ଶସକ୍ତିକରଣ ଦିଗରେ ମୁଖ୍ୟମନ୍ତ୍ରୀ ଅନେକ କାର୍ଯ୍ୟ କରିଚାଲିଛନ୍ତି  । ମହିଳା ମାନଙ୍କୁ ଅର୍ଥ ରୋଜଗାର କ୍ଷେତ୍ରରେ ସ୍ୱାବଲମ୍ବୀ କରିବା ଦିଗରେ ରାଜ୍ୟ ସରକାର ଅନେକ ଯୋଜନାମାନ କାର୍ଯ୍ୟକ୍ଷମ କରିଛନ୍ତି  ।