ବିଏମସି ଠୁ ଶିଖିବ ଦେଶ, ଜାତୀୟ ସ୍ତରରେ ପୁଣି ହେବ ପୁରସ୍କୃତ

ଭୁବନେଶ୍ୱର: ଭୁବନେଶ୍ବର ମହାନଗର ନିଗମକୁ ଜାତୀୟ ସ୍ତରରେ ମିଳିଛି ଆଉ ଏକ ବଡ଼ ସଫଳତା । ସ୍ବେରେଜ, ସେଫଟେଜ୍ ଓ ଫିକଲ ମ୍ୟାନେଜମେଣ୍ଟ କ୍ଷେତ୍ରରେ ପୁରସ୍କୃତ ହେବ ବିଏମସି । ଆସନ୍ତା ୭ ଓ ୮ ତାରିଖରେ ଦିଲ୍ଲୀରେ ହେବାକୁ ଥିବା ଉତ୍ସବରେ ସମ୍ମାନ ଗ୍ରହଣ କରିବ ବିଏମସି । ପୁରସ୍କାର ଗ୍ରହଣ କରିବାକୁ ଭୁବନେଶ୍ୱର ମେୟରଙ୍କ ସମେତ ୫ ଜଣିଆ ପ୍ରତିନିଧି ଦଳ ଦିଲ୍ଲୀ ଗସ୍ତ କରିଛି ।

ସମଗ୍ର ଦେଶରେ ବିଏମସିର ମଡେଲ ସର୍ବୋତ୍ତମ । ଦିଲ୍ଲୀ ଗସ୍ତରେ ଯାଇଥିବା ଟିମରେ ସାନିଟେସନ ଷ୍ଟାଣ୍ଡିଂ କମିଟି ଅଧ୍ୟକ୍ଷ ବିରଞ୍ଚି ନାରାୟଣ ମହାସୁପକାର, ପ୍ରୀତିନନ୍ଦା ରାଉତରାୟ, ଭାରତୀ ସିଂ ଓ ଡେପୁଟି କମିଶନର କମଳାକାନ୍ତ ବେହେରା ସାମିଲ ଅଛନ୍ତି । ପରିମଳ ବ୍ୟବସ୍ଥାରେ ସୁଧାର ପାଇଁ ଭୁବନେଶ୍ବର ମହାନଗର ନିଗମର ବିଭିନ୍ନ ପଦକ୍ଷେପକୁ ରାଜଧାନୀବାସୀ ଗ୍ରହଣ କରୁଥିବାରୁ ବିଏମସିକୁ ମିଳୁଛି ସଫଳତା ।