ସିଲ୍ ହେଲା ସ୍କୁଲ୍, ଶିକ୍ଷାନୁଷ୍ଠାନ ବନ୍ଦ ନିର୍ଦ୍ଦେଶ ସତ୍ତ୍ୱେ ଚାଲିଥିଲା ପାଠପଢ଼ା ସହ ପରୀକ୍ଷା

ଭୁବନେଶ୍ୱର: ମହଙ୍ଗା ପଡ଼ିଲା କୋଭିଡ୍ ନିୟମ ଅବମାନନା । ସିଲ୍ ହେଲା ଶିକ୍ଷାନୁଷ୍ଠାନ । ରାଜଧାନୀର ଚିନ୍ତାମଶିଶ୍ୱର ଅଞ୍ଚଳରେ ଥିବା ଶ୍ରୀ ସାଇ ସରସ୍ୱତୀ ଶିଶୁମନ୍ଦିରକୁ ବିଏମସି ସିଲ୍ କରି ଦେଇଛି । ରାଜ୍ୟରେ ଡିସେମ୍ବର ୩୧ ଯାଏଁ ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିବା ନେଇ ସରାକର ନିର୍ଦ୍ଦେଶନାମା ଜାରି କରିଛନ୍ତି । ତେବେ ଏହାକୁ ଅମାନ୍ୟ କରି ଚିନ୍ତାମଶିଶ୍ୱର ଅଞ୍ଚଳରେ ଥିବା ଶ୍ରୀ ସାଇ ସରସ୍ୱତୀ ଶିଶୁମନ୍ଦିର ଖୋଲିଥିଲା ।

ଶିଶୁମନ୍ଦିରରେ ପିଲାଙ୍କ ପାଠପଢା ସହିତ ଅର୍ଦ୍ଧ ବାର୍ଷିକ ପରାକ୍ଷା ଚାଲିଥିଲା । ଏ ସମ୍ପର୍କରେ ସୂଚନା ପାଇ ବିଏମସି ନର୍ଥ ଜୋନ୍ ଡେପୁଟି କମିଶନର ଅଂଶୁମାନ ରଥ ଅତର୍କିତ ଚଢ଼ାଉ କରିଥିଲେ । ରେଡ୍ ବେଳେ ଶିଶୁମନ୍ଦିରରେ ପ୍ରାୟ ୫୦ ଜଣ ଛାତ୍ରଛାତ୍ରୀ ଥିଲେ । ଶିକ୍ଷାନୁଷ୍ଠାନରୁ ଛାତ୍ରଛାତ୍ରୀଙ୍କୁ ବାହାରକୁ ବାହାରକୁ ଆଣିବା ପରେ ବିଏମସି ଶିକ୍ଷାନୁଷ୍ଠାନକୁ ଅନିର୍ଦ୍ଦିଷ୍ଟ କାଳ ପାଇଁ ସିଲ୍ କରିଛି ।