ଭୁବନେଶ୍ବରରେ ସଫେଇ କର୍ମଚାରୀଙ୍କ ଆନ୍ଦୋଳନ ପ୍ରତ୍ୟାହୃତ

ଭୁବନେଶ୍ୱର: ସଫେଇ କର୍ମଚାରୀଙ୍କ ଆନ୍ଦୋଳନ ପ୍ରତ୍ୟାହୃତ। ଭୁବନେଶ୍ବର ମେୟରଙ୍କ ସରକାରୀ ବାସଭବନରେ ଆଲୋଚନା ପରେ ଆନ୍ଦୋଳନ ପ୍ରତ୍ୟାହାର କରିଛନ୍ତି ସଫେଇ କର୍ମଚାରୀ। ୨ ଦିନ ଭିତରେ ଦାବି ପୂରଣ ନହେଲେ ପୁଣି ଥରେ ଆନ୍ଦୋଳନକୁ ଓହ୍ଲାଇବାକୁ ଚେତାବନୀ ଦେଇଛି ସଂଘ। ଅଳିଆ ପୃଥକି କରଣ ନକରିବା ଏବଂ ସଫେଇ କର୍ମଚାରୀଙ୍କ ଦରମା ୧୫ ହଜାର ଟଙ୍କା ପ୍ରଦାନ ଦାବିରେ ଆନ୍ଦୋଳନକୁ ଓହ୍ଲାଇଥିଲେ ସଫେଇ କର୍ମଚାରୀ।

ଗତକାଲି ଅଳିଆ ପୃଥକି କରଣ କରିବାକୁ ୧୫ ଦିନ ଏବଂ ଦରମା ବୃଦ୍ଧି କରିବାକୁ ୩ ଦିନ ସମୟ ନେଇଥିଲା ବିଏମସି। ଲିଖିତ ପ୍ରତିଶ୍ରୁତି ଦାବି କରି ଆନ୍ଦୋଳନରେ ବସିଥିଲେ ସଫେଇ କର୍ମଚାରୀ। ଆଜି ମେୟରଙ୍କ ବାସଭବନରେ ଆଲୋଚନା ପରେ ଆନ୍ଦୋଳନରୁ ଓହରିଛନ୍ତି ସଫେଇ କର୍ମଚାରୀ। ଆଜିଠୁ ସଫେଇ କରିବେ କର୍ମଚାରୀ।