ବିଏମସି ଅଞ୍ଚଳରୁ ଆଉ ୨୯୦ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ଗତ ୨୪ ଘଣ୍ଟାରେ ବିଏମସି ଅଞ୍ଚଳରୁ ୨୯୦ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ୭୯ଟି ସଂକ୍ରମଣ ମାମଲା କ୍ୱାରେଣ୍ଟାଇନରୁ ହୋଇଥିବା ବେଳେ ୨୧୧ଟି ମାମଲା ସ୍ଥାନୀୟ ସଂକ୍ରମଣ । ଏଥି ସହ ଗତ ୨୪ ଘଣ୍ଟାରେ ୩୫୨ ଜଣ କରୋନା ସଂକ୍ରମିତ ସୁସ୍ଥ ହୋଇଥିବା ନେଇ ବିଏମସି ପକ୍ଷରୁ ସୂଚନା ଦିଆଯାଇଛି ।

ସ୍ଥାନୀୟ ସଂକ୍ରମଣ ମାମଲା ମଧ୍ୟରେ ଚନ୍ଦ୍ରଶେଖରପୁରରୁ ୧୧, ସତ୍ୟନଗରରୁ ୧୧, ବରମୁଣ୍ଡାରୁ ୧୧, ନୟାପଲ୍ଲୀରୁ ୧୦, ଓଲ୍ଡ ଟାଉନରୁ ୧୦, ଲକ୍ଷ୍ମୀ ସାଗରରୁ ୧୦ ଜଣ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନ୍ ମାମଲା ମଧ୍ୟରୁ ବରମୁଣ୍ଡାରୁ ୭ ଜଣ, ସତ୍ୟନଗରରୁ ୫ ଜଣ, ୟୁନିଟ୍-୬ରୁ ୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ଏଯାବତ୍ ରାଜଧାନୀ ଅଞ୍ଚଳରୁ ୨୫ ହଜାର ୪୬୪ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୧୧୭ ଜଣଙ୍କ ମୃତ୍ୟୁ ହେଲାଣି । ୨୧ ହଜାର ୮୯୭ ଜଣ କରୋନା ସଂକ୍ରମିତ ସୁସ୍ଥ ହୋଇ ସାରିଥିବା ବେଳେ ୩ ହଜାର ୪୨୯ଟି ସକ୍ରିୟ ସଂକ୍ରମଣ ମାମଲା ରହିଛି ।