ବିଏମସିକୁ ବଡ଼ ସଫଳତା, ମଳ ପରିଚାଳନା ଓ ପ୍ରଦୂଷଣ ନିୟନ୍ତ୍ରଣ କ୍ଷେତ୍ରରେ ମିଳିଲା ISO ସାର୍ଟିଫିକେଟ୍
1 min read
ଭୁବନେଶ୍ୱର: ମଳ ପରିଚାଳନା କ୍ଷେତ୍ରରେ ଭୁବନେଶ୍ୱର ମହାନଗର ନିଗମକୁ ମିଳିଛି ବଡ଼ ସଫଳତା । ଆଇଏସ୍ଓ ସାର୍ଟିଫିକେଟ୍ ସହ ସମଗ୍ର ଦେଶରେ ପ୍ରଥମ ସହରାଞ୍ଚଳର ମାନ୍ୟତା ମିଳିଛି । ବିଶ୍ୱସ୍ତରରେ ବାଂଲାଦେଶର ଜେହ୍ନେଇଦା ପୌରସଂସ୍ଥା ପ୍ରଥମ ସ୍ଥାନ ହାସଲ କରିଥିବା ବେଳେ ଦ୍ୱିତୀୟ ସ୍ଥାନରେ ରହିଛି ଭୁବନେଶ୍ୱର ମହାନଗର ନିଗମ ।
ବିଶ୍ୱସ୍ତରରେ ଭୁବନେଶ୍ୱର ମହାନଗର ନିଗମ ସୃଷ୍ଟି କରିପାରିଛି ସ୍ୱତନ୍ତ୍ର ପରିଚୟ । ପରିମଳ ଓ ପରିବେଶ ଉପରେ ଗୁରୁତ୍ୱ ଦେଉଥିବା ବିଏମସିକୁ ମିଳିଛି ବଡ଼ ସଫଳତା । ମଳ ପରିଚାଳନା ଓ ପ୍ରଦୂଷଣ ନିୟନ୍ତ୍ରଣ କ୍ଷେତ୍ରରେ ବିଏମସିକୁ ମିଳିଛି ଆାଇଏସ୍ଓ ସାର୍ଟିଫିକେଟ୍ । ଏକ୍ଷେତ୍ରରେ ବିଏମସି ଦେଶର ପ୍ରଥମ ତଥା ଏକମାତ୍ର ପୌରସଂସ୍ଥା ଭାବେ ଏହି ମାନ୍ୟତା ପାଇଥିବା ବେଳେ ସମଗ୍ର ବିଶ୍ୱରେ ଦ୍ୱିତୀୟ ସ୍ଥାନରେ ରହିଛି ବିଏମସି । ପ୍ରଥମ ସ୍ଥାନ ଅଧିକାର କରିଛି ବାଂଲାଦେଶର ଜେହ୍ନେଇଦା ପୌରସଂସ୍ଥା । ଜାତୀୟ ତଥା ଆନ୍ତର୍ଜାତୀୟ ସ୍ତରରେ ଏଭଳି ସଫଳତାକୁ ରାଜଧାନୀବାସୀଙ୍କୁ ଉତ୍ସର୍ଗ କରିଛି ବିଏମସି ।
ଭୁବନେଶ୍ୱର ସହରର ମଳ ପରିଚାଳନା ଥିଲା ବଡ଼ ସମସ୍ୟା । ଲୋକେ ସିଧାସଳଖ ନାଳ ଓ କେନାଲକୁ ସଂଯୋଗ କରି ଦେଉଥିଲେ ପାଇଖାନା ସହ । ଏହି ସମସ୍ୟାର ସମାଧାନ ପାଇଁ ଅମୃତ ଯୋଜନାରେ ପ୍ରାୟ ୪ କୋଟି ଟଙ୍କା ବିନିଯୋଗରେ ନିର୍ମାଣ ହୋଇଥିଲା ମଳ ଉପଚାର ସୁବିଧା କେନ୍ଦ୍ର । ଜନବସତି ଠାରୁ ଦୂରରେ ବାସୁଆଘାଇ ଠାରେ ସ୍ଥାପନ ହୋଇଥିଲା ଏହି କେନ୍ଦ୍ର । ବିଏମସି ଓ ଘରୋଇ ସଂସ୍ଥାର ମିଳିତ ସହଯୋଗରେ ଲୋକଙ୍କୁ ଦିଆଗଲା ସେବା ।
ଉଭୟ ଅନଲାଇନ୍ ଓ ଅଫଲାଇନରେ ବୁକିଂ କରି ସେସପୁଲ ଜରିଆରେ ଘର ପାଇଖାନାରୁ ମଳ ନିଷ୍କାସନ କରି ଏହି କେନ୍ଦ୍ରରେ ତାହାର ପ୍ରକ୍ରୀୟାକରଣ କରାଯାଉଛି । ମଳ ଉପଚାର ସୁବିଧା କେନ୍ଦ୍ରରେ ପ୍ରସ୍ତୁତ ହେଉଛି ସାର । ଯାହାକୁ କୃଷି କ୍ଷେତ୍ରରେ ବିନିଯୋଗ କରାଯାଇପାରିବ । ଏହାକୁ ବିକ୍ରୀ କରି ମଧ୍ୟ ବିଏମ୍ସି ବେଶ୍ ଅର୍ଥ ଆଦାୟ କରିବାର ଲକ୍ଷ୍ୟ ରଖିଛି ।
BMC Received IOS Certificate For Faecal Sludge & Septage Management In Country As First Muncipal
