ଭୁବନେଶ୍ବରର ବିଭିନ୍ନ ସ୍ଥାନରେ ଫୁଡ୍ ଏନଫୋର୍ସମେଣ୍ଟ ଟିମର ଚଢାଉ

ଭୁବନେଶ୍ବର: ରାଜଧାନୀ ଭୁବନେଶ୍ବରର ବିଭିନ୍ନ ସ୍ଥାନରେ ଫୁଡ୍ ଏନଫୋର୍ସମେଣ୍ଟ ଟିମର ଚଢାଉ। ପାର୍ବଣରେ ଖାଦ୍ୟ ଦୋକାନରେ ରେଡ୍ କରି ମାନ ପରଖୁଛି ଟିମ୍ । ପ୍ରାୟ ୮୦ରୁ ୯୦ଟି ଖାଦ୍ୟ ଦୋକାନ ଯାଞ୍ଚ କରାଯାଇଛି । ବିଭିନ୍ନ ଦୋକାନରେ ବିକ୍ରି ହେଉଥିବା ଅସ୍ବାସ୍ଥ୍ୟକର ଖାଦ୍ୟକୁ ନଷ୍ଟ କରାଯାଇଛି । ଦଶହରା ଭିଡରେ ଚଟାପଟ ଖାଦ୍ୟ ପାଇଁ ସମସ୍ତଙ୍କର ଆଗ୍ରହ ବଢିଥିବାବେଳେ କେତେକ ସ୍ଥାନରେ ବାସି ଖାଦ୍ୟ ଓ ଅସ୍ବାସ୍ଥ୍ୟକର ସ୍ଥାନରେ ଖାଦ୍ୟ ପ୍ରସ୍ତୁତି କରାଯାଉଛି । ଏହାଦ୍ବାରା ଲୋକମାନେ ରୋଗରେ ପୀଡିତ ହେବାର ଆଶଙ୍କା ରହିଛି । ଲୋକଙ୍କ ଖାଦ୍ୟ ନିରାପତ୍ତାକୁ ଦୃଷ୍ଟିରେ ରଖି ବିଏମସି ଦୋକାନରେ ଯାଞ୍ଚ କରୁଛି  । ଚଢାଉ ସମୟରେ ୬୦ରୁ ୭୦ କେଜି ଖାଦ୍ୟ ନଷ୍ଟ କରିଦିଆଯାଇଛି । ଖାଦ୍ୟ ପ୍ରସ୍ତୁତିରେ ପରିଷ୍କାର ପରିଚ୍ଛନତା ରକ୍ଷା କରିବା ସହ ଉଚ୍ଚମାନର ମାନ ରଖିବାକୁ ମେୟର ଓ କମିଶନର ପୂର୍ବରୁ ବୈଠକ କରିଥିଲେ ।  ଭୁବନେଶ୍ବରକୁ ସ୍ବଚ୍ଛ, ସବୁଜ ଓ ସୁନ୍ଦର ରଖିବାର ଦାୟିତ୍ବ ନେବାକୁ ଏହି ବୈଠକରେ ସମସ୍ତଙ୍କୁ ନିବେଦନ କରିଥିଲା ବିଏମସି ।