ବିଏମସି ଡେଥ୍ ସାର୍ଟିଫିକେଟ ଅଫିସରେ ଦଲାଲଙ୍କ ରାଜୁତି

ଭୁବନେଶ୍ୱର: ବିଏମସି ଡେଥ୍ ସାର୍ଟିଫିକେଟ ଅଫିସରେ ଦଲାଲଙ୍କ ରାଜୁତି । ଜଣେ ସୁଇପରଙ୍କ ନାମରେ ଆସିଛି ଗୁରୁତର ଅଭିଯୋଗ । କୋଭିଡରେ ମୃତ୍ୟୁ ହୋଇଥିବା ବ୍ୟକ୍ତିଙ୍କ ଡେଥ୍ ସାର୍ଟିଫିକେଟ ପାଇବା ପାଇଁ ଦଲାଲମାନେ ତାଙ୍କ ଆତ୍ମୀୟଙ୍କ ଠାରୁ ପଇସା ହଡପ କରି ସାର୍ଟିଫିକେଟ କରିଦେବେ କହି ଠକୁଥିବାର ଅଭିଯୋଗ ହୋଇଛି ।

ଏଭଳି ଅଭିଯୋଗ କରିଛନ୍ତି ଶିବ ସୁନ୍ଦର ସାହୁ ନାମକ ଜଣେ ସମାଜସେବୀ । ଅଫିସ ବାହାରେ କିଛି ଦଲାଲ ଷ୍ଟାଫ କହି ସାର୍ଟିଫିକେଟ କରିବାକୁ ପ୍ରତିଶ୍ରୁତି ଦେଉଛନ୍ତି । ତେବେ ସେମାନେ ଷ୍ଟାଫ୍ ନୁହନ୍ତି ବୋଲି ସେ ଜାଣିବାକୁ ପାଇଥିଲେ । ହେଲେ ସେମାନେ ଲୋକଙ୍କ ନିକଟରୁ ଟଙ୍କା ନେଉଥିବା ଦେଖିବାକୁ ମିଳିଥିଲା । ଟଙ୍କା ନେଉଥିବା ଲୋକ ଜଣକ ବିଏମସିରେ ସୁଇପର ଥିବା ସେ କହିଛନ୍ତି । ତେବେ ଏନେଇ ସଫେଇ ଦେଇଛନ୍ତି ବିଏମସିର କାର୍ଯ୍ୟରତ ସୁଇପର । ସେ ଜଣେ ଲୋକଙ୍କୁ ସାହାଯ୍ୟ କରିବା ପାଇଁ ଆସିଥିଲେ । କିନ୍ତୁ ଟଙ୍କା ନେଇ ନଥିବା ସଫେଇ ଦେଇଛନ୍ତି । ଏହି ଅଭିଯୋଗ ପରେ ଘଟଣାର ତଦନ୍ତ କରିବାକୁ ଦାବି କରିଛନ୍ତି ଲୋକେ ।