ଭିନ୍ନକ୍ଷମ ହୋଇ ବି ସକ୍ଷମ: ବାଜଇପାରନ୍ତି ୭ ପ୍ରକାର ବାଦ୍ୟ ଯନ୍ତ୍ର

ସମ୍ୱଲପୁର: ଅକ୍ଷମ ହୋଇ ବି ସକ୍ଷମ । ଦେଖିପାରୁନଥିଲେ ବି ସାତ ପ୍ରକାର ବାଦ୍ୟ ଯନ୍ତ୍ର ବଜାଇବା ସହ ଛଅଟି ଭାଷାରେ ଗୀତ ଗାଇ ଲୋକଙ୍କୁ ବିମୋହିତ କରିପାରନ୍ତି । ହେଲେ ସତୁରୀ ବର୍ଷ ବୟସରେ ବି କଳାକାର ଭାବେ ସରକାରୀ ମାନ୍ୟତା ପାଇପାରି ନାହାନ୍ତି । ଏହି ବ୍ୟକ୍ତି ହେଉଛନ୍ତି ସମ୍ବଲପୁରର ସତୁରୀ ବର୍ଷ ବୟସ୍କ ଲାଲୁ ମୁଣ୍ଡା । ଯାହାଙ୍କୁ ନେଇ ଅଞ୍ଚଳରେ ବେଶ୍ ଚର୍ଚ୍ଚା । ପରିଣତ ବୟସରେ ବି କଣ୍ଠରୁ ଝରୁଛି ଅମୃତ । ତାଙ୍କ ହୃଦୟସ୍ପର୍ଶୀ ଗୀତରେ ମତୁଆଲା ଦର୍ଶକ । ଭିନ୍ନକ୍ଷମ ହେଲେ ବି ସକ୍ଷମ । ଇଏ ହେଉଛନ୍ତି ସତୁରୀ ବର୍ଷ ବୟସ୍କ ଲାଲୁ ମୁଣ୍ଡା । ଜନ୍ମରୁ ଦୃଷ୍ଟି ବାଧିତ । ହେଲେ ଛୋଟ ବେଳୁ ଗୀତ ବାଦ୍ୟ ପ୍ରତି ଆକର୍ଷଣ ତାଙ୍କୁ ବଞ୍ଚିବାର ରାହା ଦେଇଛି ।

ସମ୍ବଲପୁର ସହର ଠାରୁ କୋଡିଏ କିଲୋମିଟର ଦୂର ତବଲା ଗ୍ରାମ ପଞ୍ଚାୟତ ଖୁଲିଆ ଗାଁରେ ତାଙ୍କ ଘର ।  ଛୋଟ ସମୟରେ ଗାଁ ନାଟକ ଦଳର ଗୁରୁ ଗୀତ ଶିଖିଥିଲେ ।  ପଚିଷ ବର୍ଷ ବୟସରେ ଛତିଶଗଡ଼ର ଜଣେ ବନ୍ଧୁଙ୍କ ସହାୟତାରେ ରାୟଗଡ଼ାର ଏକ ଅନୁଷ୍ଠାନରେ ସାମିଲ ହୋଇ ଦଶ ବର୍ଷ ପର୍ଯ୍ୟନ୍ତ କଳା ପରିବେଷଣ କରିଥିଲେ । ବାପାଙ୍କ ମୃତ୍ୟୁ ପରେ ଘରକୁ ଫେରି ସ୍ଥାନୀୟ କଳା ସଂଗଠନ ସହ ଜଡ଼ିତ ରହି ଗୀତ ପରିବେଶଣ କରୁଛନ୍ତି । ସମ୍ବଲପୁରୀ, ଓଡିଆ, ହିନ୍ଦୀ, ମୁଣ୍ଡାରୀ, ସାଦରୀ ଭାଷାରେ ଗୀତ ଗାଇ  ଦର୍ଶକମାନଙ୍କୁ ବିମୋହିତ କରିପାରନ୍ତି । ଏଥିପାଇଁ ଅଞ୍ଚଳରେ ବେଶ ଜଣାଶୁଣା । ବଂଶୀ, ଖଞ୍ଜଣି, ହାରମୋନିୟମ ଭଳି ସାତ ପ୍ରକାର ବାଦ୍ୟ ଯନ୍ତ୍ର ବଜାଇବା ସହ ଛଅ ଟି ଭାଷାରେ ଗୀତ ଗାଇ ଲୋକଙ୍କୁ ବିମୋହିତ କରିପାରନ୍ତି । ହେଲେ ସତୁରୀ  ବର୍ଷ  ବୟସରେ ବି ସେ  କଳାକାର ଭାବେ ସରକାରୀ ମାନ୍ୟତା ପାଇପାରିନାହାନ୍ତି । ୨୦୧୪ରେ ମିଲିଥିବା ବିଜୁ ପକ୍କା ଘର ସ୍ୱାମୀ ସ୍ତ୍ରୀ ଦୁହିଁଙ୍କ ପାଇଁ ମୁଣ୍ଡ ଗୁଞ୍ଜିବାର ଏକମାତ୍ର ଆଶା । ଲକଡାଉନ ସମୟରେ କିଛି କଳାକାର ତାଙ୍କୁ ସହଯୋଗ କରିଥିବା ସେ କୁହନ୍ତି ।