ନୂଆଦିଲ୍ଲୀ: ଆଫଗାନିସ୍ତାନ ମଜାର ଏ ଶରିଫ୍ ସହର ସ୍ଥିତ ଶିୟା ମସଜିଦରେ ଗୁରୁବାର ଦ୍ୱପ୍ରହରରେ ଏକ ବଡ଼ ଧରଣର ଆକ୍ରମଣ ହୋଇଛି । ଗଣମାଧ୍ୟମ ଖବର ଅନୁସାରେ ଘଟଣା ସ୍ଥଳରେ ୨୦ ଜଣଙ୍କ ମୃତ୍ୟୁ ହୋଇଛି । ଏହା ବାଦ୍ ୬୬ ଜଣ ଗୁରୁତର ଆହତ ହୋଇଛନ୍ତି ।
ମଙ୍ଗଳବାର ସକାଳେ କାବୁଲର ୨ଟି ସ୍କୁଲରେ ୩ଟି ବିସ୍ଫେରଣ ହୋଇଥିଲା । ଯେଉଁଥିରେ ୨୫ ଜଣ ଛାତ୍ରଙ୍କ ମୃତ୍ୟୁ ହୋଇଥିଲା । ତିନୋଟି ବିସ୍ଫୋରଣ ୨୦ରୁ ୨୫ ମିନିଟ୍ ବ୍ୟବଧାନରେ ହୋଇଥିଲା ।
ଗୁରୁବାର ୩ଟି ଭିନ୍ନ ଭିନ୍ନ ସ୍ଥାନରେ ବ୍ଲାଷ୍ଟ ହୋଇଛି। ସେଥିମଧ୍ୟରୁ ଗୋଟିଏ କାବୁଲ୍ରେ ହୋଇଥିବା ବେଳେ ଅନ୍ୟଟି ବଲ୍ଖା ଅଞ୍ଚଳର ମଜାର୍-ଏ ଶରିଫ୍ ଏବଂ ତୃତୀୟଟି କୁନ୍ଦୁଜ ଅଞ୍ଚଳର କୁନ୍ଦୁଜ୍ ସହରରେ ହୋଇଛି।
ସେହିପରି ବଲ୍କର ମଜାର ଏ ସରିଫର ଶେଖ ଦୋକାନରେ ଥିବା ଏକ ମସ୍ଜିଦ୍ରେ ଦ୍ୱିତୀୟ ବିସ୍ଫୋରଣ ହୋଇଛି। ଏଥିରେ ଅଧିକ ଲୋକଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି। ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ ମୃତ୍ୟୁ ସଂଖ୍ୟା ଆହୁରି ବଢ଼ିପାରେ ବୋଲି କୁହାଯାଉଛି।
