ମୁଖା ପିନ୍ଧା ଯୁବକଙ୍କ ଉନ୍ମତ୍ତକାଣ୍ଡ: ରାଜଧାନୀରେ ବ୍ଳାଙ୍କ ଫାୟରିଂ
ଭୁବନେଶ୍ୱର: ଜିମରେ ଗଣ୍ଡଗୋଳ ତାପରେ ଫାୟରିଂ । ୩୦ରୁ ଅଧକ ଯୁବକ ମାରଣାସ୍ତ୍ର ଧରି ଜିମ୍ ଭିତରେ ପଶି କଲେ ଆକ୍ରମଣ । ସୂଚନା ଅନୁସାରେ ସକାଳେ ଜିମ୍ରେ ଉଭୟ ଗୋଷ୍ଠୀର ଗଣ୍ଡୋଗଳ ହୋଇଥିଲା । ଗଣ୍ଡଗୋଳକୁ ନେଇ ଥାନାରେ ଅଭିଯୋଗ ମଧ୍ୟ ହୋଇଥିଲା । କିନ୍ତୁ ଅଭିଯୋଗ ପରେ ବିପକ୍ଷ ଗୋଷ୍ଠୀର ଡମ୍ବୁର ଜୟସିଁଙ୍ଗ ଓ ତା’ର ସହଯୋଗୀ ଜିମରେ ପଶି ଆକ୍ରମଣ କରିଛନ୍ତି ।
କିନ୍ତୁ ଆକ୍ରମଣ ସମୟରେ ଜିମରେ କେହି ନଥିବାରୁ ସେଠାରେ କେବଳ ବିମ୍ବାଧରଙ୍କୁ ଦେଖି ସବୁ ଆକ୍ରମଣକାରୀଙ୍କ ଶିକାର ହୋଇଥିଲେ । ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ ପ୍ରାୟ ୨୦ଟି ବାଇକରେ ଆସିଥିଲେ ଆକ୍ରମଣକାରୀ ଏବଂ ସେମାନେ ମୁହଁରେ କଳାପଟି ବାନ୍ଧିଥିଲେ ସମସ୍ତଙ୍କ ହାତରେ କିଛି ନା କିଛି ମାରଣାସ୍ତ୍ର ମଧ୍ୟ ଥିଲା । ତେବେ ଏଥିରେ ଆହତ ହୋଇଥିବା ବିମ୍ବାଧର ସୁନ୍ଦରରାୟ ଆମ୍ରି ହସପିଟାଲରେ ଭର୍ତ୍ତି ହୋଇଛନ୍ତି ।
