ରାଜଧାନୀରେ ବ୍ଲେଡ଼ ମାଡ଼, କଟିଗଲା ବେକର ଭେନ୍

ଭୁବନେଶ୍ୱର: ରାଜଧାନୀରେ ବ୍ଲେଡ଼ ମାଡ଼ । ଦୁଇ ନିସାଡ଼ିଙ୍କ ମଧ୍ୟରେ ମାରପିଟ୍ । ଧଉଳି ଥାନା ଅନ୍ତର୍ଗତ ବିଜୟ ବିହାର ଲେନ୍ 2 ରେ ଘଟିଛି ଘଟଣା । ନୂଆଗାଁ ବୁଢ଼ା ବିଶ୍ବାଳର ବ୍ଲେଡ ମାଡ଼ରେ ସାମନ୍ତରାପୁର ଜଗା ଆହତ ହୋଇଛି । ଜଗା ବେକର ଭେନ୍ କଟିବା ସହିତ ନାକରେ ଗଭୀର କ୍ଷତ ହୋଇଥିବା ଜମା ପଡ଼ିଛି ।

ସେପଟେ ଗୁରୁତର ଭାବେ ଜଗାକୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣାର ତଦନ୍ତ ଆରମ୍ଭ କରିଛି ଧଉଳି ଥାନା ପୋଲିସ । କେଉଁ କାରଣରୁ ଦୁଇ ଜଣଙ୍କ ମଧ୍ୟରେ ଏଭଳି ସ୍ଥିତି ଉପୁଜିଲା ତାହାର କାରଣ ଖୋଜୁଛି ପୋଲିସ  । ନିଶା କେବଳ ଏମାନେ ସେବନ କରୁଥିଲେ ନା ବିକ୍ରିୟ ଭଳି କାର୍ଯ୍ୟ କରୁଥିଲେ ଏବଂ ଯେଉଁଥିପାଇଁ ବ୍ଲେଡରେ ଆକ୍ରମଣ ହୋଇଛି ତାହାର ମଧ୍ୟ ଅନୁସନ୍ଧାନ କରୁଛି ଧଉଳି ପୋଲିସ  ।