ଥମୁନି ଅନ୍ଧବିଶ୍ୱାସ: ବିଷ ଝାଡ଼ିବାକୁ ଝଡ଼ା ଫୁଙ୍କା

ଆଜି ବି ମଣିଷ ଝଡ଼ା ଫୁଙ୍କା ଉପରେ ବିଶ୍ୱାସ କରୁଛି । ଝଡ଼ାଫୁଙ୍କା କଲେ ସାପ ବିଷ ଉତ୍ତୁରି ଯିବ । ଆଉ ରୋଗୀ ଭଲ ହୋଇଯିବ।  ଏଭଳି ଘଟଣା ଘଟିଛି ନୟାଗଡ଼ ଜିଲ୍ଲା ରଣପୁର ଅଞ୍ଚଳରେ। ସାପ କାମୁ୍ଡିବା ପରେ ବ୍ୟକ୍ତି ଜଣଙ୍କ ହସ୍ପିଟାଲ ନ ଯାଇ ଗୁଣିଆ ପାଖକୁ ଯାଇଥିଲେ । ଆଉ ଗୁଣିଆ ରୋଗୀର ହାତକୁ ବ୍ଳେଡ୍‌ରେ କାଟି ଦେବା ପରେ ଗଛ ପତ୍ରରେ ଆଉଁଶି ଚାଲିଲା। କିନ୍ତୁ ରୋଗୀ ଅବସ୍ଥା ଗୁରୁତର ହେବାରୁ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।

ସମୟ ତ ବଦଳୁଛି, ବଦଳୁଛି ଦୁନିଆ, ବିଜ୍ଞାନ କାହିଁ କେତେ ଆଗକୁ ଗଲାଣି । ମାତ୍ର କେବେ ବଦଳିବ ମଣିଷର ଅନ୍ଧ ମାନସିକତା ?

ଆଉ କେତେ ସଚେତନତାର ଆବଶ୍ୟକ ରହିଛି । କ’ଣ କଲେ ମନରୁ ଏଭଳି ଅନ୍ଧବିଶ୍ୱାସ ଦୂର ହେବ ?

ମେଡିକାଲରେ ଡାକ୍ତର ନଥିଲେ ଆମେ ବିରୋଧ କରୁଛେ । ତାଲା ପକାଇ ଦେଉଛେ । ମାତ୍ର ଆବଶ୍ୟକ ବେଳେ ଆମେ ମେଡିକାଲ ଯାଉନେ । ସବୁ ଦୋଷ ସରକାରଙ୍କ ଉପରେ ଲଦି ଦେଲେ ଚଳିବନି । ନିଜେ ସୁଧୁରିବା ଦରକାର ।

  ')}